ءمينيستردىڭ ايتۋىنشا, ءتورت جىل ىشىندە جالپى سالا بويىنشا قارجىلاندىرۋدى ۇلعايتۋ جوسپاردا بار. قاراجات ارنايى تەحنيكانى جاڭارتۋعا جانە ءورتتى ەرتە انىقتاۋ جۇيەسىن ورناتۋعا باعىتتالادى. 2027 جىلعا قاراي ماتەريالدىق-تەحنيكالىق بازا 100 پايىز جاڭارتىلادى.
«ەلىمىزدە ورمان شارۋاشىلىعىنا 8,1 ميلليارد تەڭگە ءبولىندى. ءورتتى الدىن الا انىقتاۋ جۇيەسىنە 4,1 ميلليارد تەڭگە قاراستىرىلدى. ءبىز ورمانشىلاردىڭ بارلىق قاجەتتىلىكتەرى بويىنشا جاعدايدى تالداپ, قوسىمشا قارجى سۇرايمىز», دەدى ءزۇلفيا سۇلەيمەنوۆا.
كەلتىرىلگەن شىعىننىڭ ناقتى كولەمىن ارنايى كوميسسيا انىقتايدى.
پرەمەر-مينيستر ءاليحان سمايىلوۆ 10 كۇن ىشىندە اباي وبلىسىنداعى وقيعانىڭ بارلىق ءمان-جايىن انىقتاپ, ءتيىستى قورىتىندى جاساۋدى تاپسىردى.
