جاڭا ءمينيستردىڭ ايتۋىنشا, جاعداي باقىلاۋعا الىنعان. بىراق اۋا تەمپەراتۋراسىنىڭ كوتەرىلۋىنە جانە جەلدىڭ ۇلعايۋىنا بايلانىستى ءورت ودان ءارى ءورشۋى مۇمكىن.
ء«ورتتى وقشاۋلاۋ ءۇشىن ءبىز جەتكىلىكتى توپ قۇردىق. جەكە قۇرامدا 1,5 مىڭعا جۋىق ادام بار: ءورت سوندىرۋشىلەر, ورمان قورعاۋ قىزمەتكەرلەرى, قورعانىس جانە ىشكى ىستەر مينيسترلىكتەرىنىڭ قىزمەتكەرلەرى. سونداي-اق 300-گە جۋىق تەحنيكالىق بولىمشە مەن 12 تىكۇشاق جۇمىلدىرىلدى», دەدى مينيستر.
قازىرگى ۋاقىتتا ءورت اۋماعى شامامەن 43 مىڭ گەكتاردى قۇرايدى.
«باسىندا 60 مىڭ گەكتار اۋماقتا ءورت بولعان. بىراق قىزمەتكەرلەردىڭ جۇمىلدىرىلعان كۇشىمەن ءورت اۋماعى ازايىپ كەلەدى. جاقىن كۇندەرى ءورتتى وقشاۋلاپ, ءسوندىرۋىمىز كەرەك.
باسقا وڭىرلەردەن جىبەرىلگەن ارنايى تەحنيكانىڭ بارلىعى وسىندا ورنالاسىپ, ءورتتى سوندىرۋگە پايدالانىلادى. قاتتى ءتۇتىننىڭ سالدارىنان ەكى اۋىلدىڭ تۇرعىندارى ەۆاكۋاتسيالاندى», دەپ اتاپ ءوتتى س.ءشارىپحانوۆ.
