توتەنشە جاعدايلار دەپارتامەنتى 45-تەن استام رەيد وتكىزگەن.
توتەنشە جاعدايلار مينيسترلىگىنىڭ مالىمەتىنشە, ءورت قاۋىپسىزدىگى ەرەجەلەرىن بۇزعان 4 جەكە تۇلعا قر اق 367-بابى بويىنشا جالپى سوماسى 1 380 000 ايىپپۇل تۇرىندە اكىمشىلىك جاۋاپكەرشىلىككە تارتىلدى.
سونىمەن قاتار تابيعاتتى قورعاۋ پوليتسياسى قر اق 505-بابى بويىنشا ەسكەرتۋ تۇرىندە 5 حاتتاما تولتىرعان.
ىلە-الاتاۋ ۇلتتىق پاركىنىڭ 20 مىڭ 805 گەكتارى الماتى قالاسىنىڭ اۋماعىندا ورنالاسقان.
«رەيدتىك ءىس-شارالار كەزىندە تەپلوۆيزورلارمەن جانە قۇلاقتاندىرۋ جۇيەسىمەن جاراقتاندىرىلعان پيلوتسىز ۇشۋ اپپاراتتارى (دروندار), قۇلاقتاندىرۋ اۆتوموبيلدەرى قولدانىلادى. بارلىعىمىز بىلەتىندەي, قالا اۋماعىندا ورنالاسقان تابيعي پاركتەردىڭ اۋماعى «ەرەكشە قورعالاتىن تابيعي اۋماق» مارتەبەسىنە يە. وت جاعۋ فاكتىلەرى قاتاڭ تۇردە توقتاتىلاتىنىن ەسكەرتەمىز, ويتكەنى قۇرعاقشىلىق پەن ىستىق اۋا رايىندا ءشوپ تەز تۇتانادى, بۇل ورتكە اكەلۋى مۇمكىن. وڭتۇستىك استانانىڭ تۇرعىندارى مەن قوناقتارىن تەمەكى تۇقىلىن قۇرعاق شوپكە تاستاماۋعا, بوتەلكەلەر, سىنعان اينەك قالدىرماۋعا كەڭەس بەرەمىز, ولار جانعىش لينزالارعا اينالۋى مۇمكىن. تابيعاتتا اشىق وتتىڭ جاعىلۋىنا جول بەرمەۋ وتە ماڭىزدى. قۇرعاق ءشوپ پەن قوقىستى ورتەمەڭىز. قۇرعاق ءشوپتى ادەيى ورتەيتىن ادامدار, جاقىن ايماققا قاۋىپ توندىرەدى. مىسالى, جەكە اۋلانىڭ يەلەرى مەن باعباندار ىستىق كۇننەن كەۋىپ قالعان ءشوپ پەن قوقىستى ورتەپ جىبەرەدى», دەلىنگەن الماتى قالالىق تجد حابارلاماسىندا.
