«مەن مەملەكەت باسشىسى رەتىندە بولعان جاعداي ءۇشىن كەشىرىم سۇرايمىن. وتە اۋىر جاعداي ەكەنىن تۇسىنەمىن. اسىراۋشىلارىڭىزدى, وتاعاسىن, ەڭ جاقىن تۋىستارىڭىزدى جوعالتتىڭىزدار. وكىنىشكە قاراي, ومىردە مۇنداي قايعىلى جايتتار بولادى. مۇنى اقتايتىن ەشقانداي سەبەپ جوق», دەدى قاسىم-جومارت توقاەۆ كەزدەسۋ بارىسىندا.
پرەزيدەنتپەن كەزدەسۋدە الاپات ءورت سالدارىنان قازا تاپقان الەكسەي گۋباەۆتىڭ جۇبايى تاتيانا بۋديۋك مەملەكەت باسشىسىنا قىزمەت بارىسىندا كۇيەۋىنىڭ ورماندا جەكە كولىگىمەن نەلىكتەن بولعانى تۋرالى سۇراق قويدى.
«تۇسىنەمىن, ءسىز كۇيەۋىڭىزدەن, اسىراۋشىڭىزدان ايىرىلدىڭىز. بالا قالدى. سوندىقتان كومەكتەسەمىن دەپ ايتتىم. جاعداي شىنىمەن دە كۇردەلى. مەن ءبارىن تۇسىنەمىن. مەن باسقا پلانەتادا تۇرمايمىن عوي. مەن سىزدەرمەن بىرگەمىن», دەدى مەملەكەت باسشىسى
