يۋري يلين 2020 جىلعى 11 قىركۇيەكتەگى قر پرەزيدەنتىنىڭ جارلىعىمەن قازاقستان رەسپۋبليكاسىنىڭ توتەنشە جاعدايلار ءمينيسترى بولىپ تاعايىندالعان ەدى.
يۋري يلين توتەنشە جاعدايلار ءمينيسترى بولعان كەزدە ورىن العان ءورت جاعدايلارىنا قىسقاشا توقتالىپ وتسەك.
2020 جىلى اپتاپ ىستىقتان قوستاناي, پاۆلودار وبلىستارىندا 2 ورمان ءورتى جانە اقتوبە, شىعىس قازاقستان, قاراعاندى وبلىستارىندا ءىرى ءورت بولعان ەدى. اتالعان وڭىرلەردە دالا ءورتىنىڭ جالپى اۋدانى - 3537 گەكتار, ونىڭ ىشىندە اقتوبە وبلىسىنداعى ءورت اۋدانى ايتارلىقتاي ۇلكەن - 2 000 گەكتار, باتىس قازاقستان وبلىسىندا - 1 394 گەكتار جەردەگى ءورت اۋىزدىقتالعان ەدى.
ال, 2021 جىلى رەسپۋبليكادا 12 256 ءورت وقيعاسى تىركەلدى. ءورت سالدارىنان 413 ادام قازا تاۋىپ, تاعى 429 ادام زارداپ شەككەن. ورتتەن كەلگەن ماتەريالدىق شىعىن 9 ملرد 336 ملن 665 مىڭ تەڭگەنى قۇراعان.
2022 جىلى اقتوبە وبلىسىنىڭ ايتەكە بي اۋدانىندا, ت.جۇرگەنوۆ اۋىلىنان 42 كم قاشىقتىقتا قۇرعاق ءشوپ جانىپ, جالىن 500 گەكتار جەردى شارپىعان ەدى. كەيىنىرەك جالىن بيداي القابىنا ءورشىپ, شامامەن 700 گەكتار جەر جانىپ كەتكەن ەدى.
تۇركىستان وبلىسىنىڭ وتىرار اۋدانىندا شەڭگەلدى اۋىلىنان 5 كم جەردە, «تۇركىستان-سىرداريا» وڭىرلىك تابيعي پاركىنىڭ تۇركىستان فيليالىنىڭ اۋماعىندا 10 گەكتار اۋماقتا قۇرعاق ءشوپ ورتەندى.
قاراعاندى وبلىسىنىڭ وساكاروۆ اۋدانىندا كوللەكتيۆنوە اۋىلىنان 10 كم قاشىقتىقتا قاراعاندى ورمان جانە جانۋارلار الەمىن قورعاۋ شارۋاشىلىعىنىڭ اۋماعىندا شاعىن ورماندار مەن قۇرعاق ءشوپ جانىپ, 60 گەكتار جەر ورتەنگەن.
شىعىس قازاقستان وبلىسىنىڭ التاي اۋدانىندا زىريانوۆ ورمان شارۋاشىلىعىنىڭ اۋماعىندا قۇرعاق ءشوپ تۇتانىپ, نوۆو-پولياكوۆ جانە كاتون-قاراعاي اۋداندارىنىڭ تاۋلى ايماقتارىنا جايىلعان. ورتەنگەن اۋماقتىڭ كولەمى 167 گەكتار بولدى.
ال بيىل 2023 جىلى 8 ماۋسىمدا «سەمەي ورمانى» مەملەكەتتىك ورمان تابيعي رەزەرۆاتىنىڭ تەرريتورياسىنداعى باتپاەۆ ورمان شارۋاشىلىعى اۋماعىندا ءورت تۇتانعان.ء ورتتى جويۋ ماقساتىندا جەدەل شتاب ۇيىمداستىرىلدى. قازىرگى ۋاقىتتا ورمانشىلىقتىڭ ءۇش قىزمەتكەرىنىڭ دەنەسى تابىلدى, ال 11 اداممەن بايلانىس جوق. ولاردى ىزدەۋ بويىنشا ءىس-شارالار جۇرگىزىلۋدە.
