جەرگىلىكتى اكىمدىكتىڭ مالىمەتىنشە, وستروۆسكي اتىنداعى مەكتەپ پەن كوللەدج عيماراتىندا ەكى ەۆاكۋاتسيالىق پۋنكت ۇيىمداستىرىلدى.
سونداي-اق قوعامدىق تارتىپتى ساقتاۋ ماقساتىندا وكم-ءنىڭ 43 قىزمەتكەرى جانە 13 ارنايى تەحنيكا جىبەرىلدى.
ءورتتىڭ تارالۋىن بولدىرماۋ ءۇشىن ورمان ايماعىنا ىرگەلەس كوشەلەر, سونىڭ ىشىندە تاۋەلسىزدىك كوشەسى, وڭتۇستىك جانە پيونەرسكايا ش/ا جىرتىلدى.
ءورت ورنىنا ءتۇرلى ۆەدومستۆولاردان 786 مامان, 187 بىرلىك تەحنيكا جانە 9 تىكۇشاق جۇمىلدىرىلدى. بۇگىن تاڭەرتەڭ ساعات 5:35-تەن باستاپ تىكۇشاقتاردان جالپى كولەمى 263,5 توننا بولاتىن 93 سۋ اعىزىلدى.
تجم باسشىلىعىنىڭ بۇيرىعىمەن ورتپەن كۇرەسۋ ءۇشىن قوسىمشا كۇش جىبەرىلدى:
شقو تجد-دان 15 ادام جانە 5 بىرلىك تەحنيكا 5:40-تا باردى.
قاراعاندى تجد-دان 29 ادام جانە 6 بىرلىك تەحنيكا 17:40-تا شىعىپ, بورودۋليحاعا 11:00-دە جەتتى.
استانا تجد-دان 68 ادام جانە 12 بىرلىك تەحنيكا 17:55-تە شىعىپ, كاشتاك ورمانىندا 10:35-تە بولدى.
استانا تجد-دان 21 ادام جانە 5 بىرلىك تەحنيكا 21:48-دە شىعىپ, سەمەي قالاسىنا 9:20-دا جەتتى, كەيىن 10:52-دە بورودۋليحاعا قاراي بەت الدى.
تج ءمينيسترى تجم كۇشتەرى مەن مۇمكىندىكتەرىن الماتى, جەتىسۋ جانە قىزىلوردا وبلىستارىنان قوسىمشا جىبەرۋدى بۇيىردى.
سەمەي قالاسىندا جاعداي قيىنداعان جاعدايدا, ونىڭ الدىن الۋ ءۇشىن 5 ءورت ءسوندىرۋ اۆتوتسيستەرناسىنان جانە 1 ۆاحتادان تۇراتىن قوسىمشا كولوننا دايىندالدى. استانا, بورالداي, قىزىلوردا قالالارىنان قوسىمشا مي-8 تىكۇشاقتارىن جانە كوكشەتاۋدان Eurocopter EC145 كوپ ماقساتتى تىكۇشاعىن ءورت ورنىنا جىبەرۋ جوسپارلانۋدا.
ءورتتىڭ تارالۋ قاۋپىنە بايلانىستى سەمەي قالاسىنىڭ اكىمى تابيعي سيپاتتاعى جەرگىلىكتى اۋقىمداعى توتەنشە جاعداي جاريالادى. جاعدايعا بايلانىستى جەدەل اقپارات ۇسىنۋ جالعاسادى.
