وسىنداي سارىنداعى حابارلاما «Egemen Qazaqstan» گازەتىنىڭ تەلەگرامداعى رەسمي پاراقشاسىنا دا كەلىپ تۇسكەن.
Polisia.kz سايتىنىڭ مالىمەتىنشە, پوليتسيا قىزمەتكەرلەرى جەدەل-ىزدەۋ شارالارىن جۇرگىزىپ, بىرنەشە تەلەفوندى, سونداي-اق ولاردىڭ يەلەرى مەن پايدالانۋشىلارىن انىقتاعان.
حابارلامانى جىبەرۋشىلەردىڭ اراسىندا قازاقستاننىڭ قاراپايىم ازاماتتارى, ونىڭ ىشىندە كامەلەتكە تولماعاندار دا بار بولىپ شىقتى. بىراق ولاردىڭ پوشتا جونەلتىلىمدەرىنە قاتىسى بار ەكەنى راستالمادى.
ولاردىڭ بارلىعى Telegram مەسسەندجەرىنىڭ بەلگىسىز قولدانۋشىلارى تاراپىنان «سۆاتتينگتىڭ» (قۇقىق قورعاۋ ورگاندارىن حاكەرلەنگەن ادرەساتتارعا شاقىرۋ ءۇشىن اۋىر قۇقىق بۇزۋشىلىقتار تۋرالى جالعان حابارلامالار) قۇرباندارى بولدى دەگەن بولجام بار.
قازىرگى ۋاقىتتا قۇقىق قورعاۋ ورگاندارى قۇقىق بۇزۋشىلاردى انىقتاپ, كورىنەۋ جالعان حابارلامالارى ءۇشىن ەلىمىزدىڭ زاڭناماسىنا سايكەس جاۋاپكەرشىلىككە تارتىپ جاتىر.
قۇقىق قورعاۋ ورگاندارى جاعدايدى تولىق باقىلاۋعا الىپ, الاڭداۋعا نەگىز جوق ەكەنىن ايتتى. سونداي-اق الەۋمەتتىك جەلىلەر مەن باسقا دا باق قولدانۋشىلارىن تەك رەسمي حابارلارعا سەنۋگە شاقىردى.
