الماتى وبلىسى تجد ءباسپاسوز قىزمەتى الماتى وبلىسى قاراساي اۋدانى قاسكەلەڭ قالاسىندا ومىراليەۆ كوشەسى بويىنداعى ءورت تۋرالى حابارلاما كەلىپ تۇسكەنىن مالىمدەدى.
ءورت شىققان جەرگە تجد كۇشتەرى مەن قۇرالدارى دەرەۋ جىبەرىلگەن. الماتى وبلىسى تجد ءباسپاسوز قىزمەتىنىڭ مالىمەتىنشە, ءورت اكىمشىلىك عيماراتتىڭ (احاج) مۇراعات عيماراتىنا, جەكە تۇرعىن ءۇيدىڭ شاتىرىنا, جەكە تۇرعىن ءۇيدىڭ اۋماعىنداعى شاتىرعا جانە 418 شارشى مەتر اۋماقتاعى تۇرعىن ءۇيدىڭ اۋماعىنداعى شارۋاشىلىق قۇرىلىستارعا دەيىن جەتكەن.
ء«ورتتىڭ اۋدانى الدىن-الا 300-400 شارشى مەتردى قۇرادى. ەڭ جاقىن ءورت ءسوندىرۋ بولىمىنەن ءورت ورنىنا دەيىنگى قاشىقتىق 3 شاقىرىمدى قۇرايدى. ەڭ جاقىن ورتكە قارسى سۋمەن جابدىقتاۋ ء(ورت گيدرانتى) وبەكتىلەردەن 1,5 شاقىرىم قاشىقتىقتا ورنالاسقان. ءورت سوندىرۋشىلەر دەر كەزىندە جەتىپ, قابىلدانعان شارالار ءورتتىڭ جاقىن ماڭداعى ساۋلەت عيماراتتارىنا, دۇكەندەر مەن جەكە تۇرعىن ۇيلەرگە تارالۋىنا جول بەرمەدى», دەلىنگەن ءباسپاسوز مالىمەتىندە.
قازىرگى كەزدە توتەنشە جاعدايلار دەپارتامەنتىنىڭ عىلىمي-زەرتتەۋ ءورت سىناق زەرتحاناسى ءورتتىڭ شىعۋ سەبەبىن انىقتاپ جاتىر.
ەسكە سالا كەتەيىك, جاقىندا ءماجىلىس دەپۋتاتى ماقسات تولىقباي الماتى وبلىسى قاراساي اۋدانى شالقار اۋىلىندا 250 بالاعا ارنالعان لومونوسوۆ اتىنداعى ورتا مەكتەپ جەكەنىڭ قولىنا 15 ملن تەڭگەگە ساتىلىپ كەتكەنىن ايتقان بولاتىن. ءورت وسى اۋماقتا تىركەلدى.
