«ورتا ءدالىز: ەۋرازيالىق بايلانىستى نىعايتۋ» اتتى پانەلدىك سەسسيادا جەتەكشى الەمدىك ساراپشىلار ترانسكاسپي حالىقارالىق كولىك باعدارى جۇمىسىنىڭ تيىمدىلىگىن ارتتىرۋ جايىن تالقىلاپ, قازاقستاننىڭ ترانزيتتىك حاب رەتىندەگى ءرولىن اتاپ ءوتتى. 2023 جىلدىڭ وتكەن 5 ايىندا قازاقستان ارقىلى ترانزيتتىك تاسىمال كولەمى 42% ارتقان.
ەدققب-نىڭ ورتا ازيا بويىنشا باسقارۋشى ديرەكتورى جۋجاننا حارگيتايدىڭ ايتۋىنشا, ورتا ءدالىز ءتۇرلى ەلدەردەگى ءىرى وندىرىستىك ورتالىقتاردى بايلانىستىرادى جانە باعدار الەۋەتىن تولىق پايداعا اسىرىپ, «تار» ورىنداردى جويۋ ءۇشىن قاتىسۋشى ەلدەردىڭ عانا ەمەس, سونىمەن قاتار وسى باعدارداعى باسقا دا نەگىزگى ەلدەردىڭ ءوزارا ءىس-قيمىلى قاجەت.
ساراپشىلار تحكب-نى ءساتتى دامىتۋ تاريفتىك جانە رەتتەۋشى رەجيمدى وزگەرتۋدى, ينفراقۇرىلىمنىڭ وتكىزۋ قابىلەتىن دامىتۋدى, ۇيلەستىرۋ جولدارىن ازىرلەۋدى, بارلىق مۇددەلى تاراپتاردىڭ ىنتىماقتاستىعىن قاجەت ەتەدى دەگەن پىكىرگە كەلدى.
