ۇلتتىق تەستىلەۋ ورتالىعى 2023-2024 وقۋ جىلىنا وتاندىق جوعارى وقۋ ورىنداردارىنا تۇسۋگە ارنالعان ۇبت-نىڭ شەكتى بالدارىن جاريالادى.
«قۇقىق» جانە «پەداگوگيكالىق عىلىمدار» ءبىلىم بەرۋ سالالارى ءۇشىن كەمىندە 75 بالل بولۋى كەرەك, «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» كەمىندە 70 بالل, «اۋىل شارۋاشىلىعى جانە بيورەسۋرستار», «ۆەتەريناريا» كەمىندە 60 بالل; ۇلتتىق جوعارى وقۋ ورىندارىنا ءتۇسۋ ءۇشىن كەمىندە 65 بالل, باسقا جوعارى وقۋ ورىندارىنا كەمىندە 50 بالل جيناۋ كەرەك. ءار ءپان بويىنشا شەكتى بالل - 5 بالل.
سونىمەن قاتار 2019 جىلدان باستاپ اكادەميالىق ەركىندىك شەڭبەرىندە جوو-لار اقىلى نەگىزدە دە, گرانت بويىنشا دا وقۋعا قابىلداۋ ءۇشىن ۇبت-نىڭ ءوز شەكتى بالدارىن بەلگىلەۋگە قۇقىلى.
ۇتو جىل سايىن تالاپكەرلەرگە ىڭعايلى بولۋ ماقساتىندا ەلىمىزدىڭ بارلىق جوعارى وقۋ ورنىنىڭ شەكتى بالدارىن ورتاق تىزىمدە ۇسىنادى. بۇل دەرەكتەر وقۋ ورىندارىنىڭ ۆەب سايتتارىندا دا قولجەتىمدى.
«مىسالى, ءبىر تۇلەك ماتەماتيكا ءپانىنىڭ مۇعالىمى بولعىسى كەلەدى دەپ الايىق. ول ۇبت-دا جيناعان 80 بالىمەن گرانت كونكۋرسىنا نەمەسە ەۇۋ-دىڭ اقىلى بولىمىنە تاپسىرعىسى كەلەدى. سىزدەر بىلەتىندەي, «پەداگوگيكالىق عىلىمدارعا» شەكتى بالل كەمىندە 75 بالل, ال ۇلتتىق جوعارى وقۋ ورىندارىنا كەمىندە 65 بالل. تۇلەكتىڭ جيناعان بالى وقۋعا قابىلداۋ ءۇشىن جەتىپ تۇر. الايدا بۇل ۋنيۆەرسيتەتتەگى ونىڭ وقىعىسى كەلەتىن ماماندىققا شەكتى بالل 90-نان باستالادى. دەمەك, تۇلەككە 80-نەن تومەن شەكتى بالدارى بار باسقا ۋنيۆەرسيتەتتى ىزدەۋ كەرەك. سوندىقتان وقۋعا قۇجاتتاردى تاپسىرار الدىندا تالاپكەرلەر جوعارى وقۋ ورىندارىنىڭ شەكتى بالدارىن ءبىلۋى ءتيىس», دەپ اتاپ ءوتتى ۇتو ديرەكتورى رۋسلان ەمەلباەۆ.
