فورۋمنىڭ بۇگىنگى جۇمىسى «ەنەرگەتيكالىق قاۋىپسىزدىكتى قايتا قاراۋ: ايقىن شەشىمدەردىڭ شەڭبەرىنەن شىعۋ قاجەتتىلىگى» تاقىرىبىنداعى پانەلدىك سەسسيامەن باستالادى. بۇل - پىكىرتالاس الاڭىنداعى باستى تاقىرىپتاردىڭ ءبىرى. وعان ساراپتامالىق قوعامداستىقتىڭ, قازاقستان ەنەرگەتيكا مينيسترلىگىنىڭ جانە حالىقارالىق ەنەرگەتيكالىق كومپانيالاردىڭ وكىلدەرى قاتىسادى.
سونىمەن قاتار:
«وزگەلەردىڭ شاراسىزدىعى كەزىندە ارەكەت ەتۋ: قيىن ساتتەردەگى «ورتا دەرجاۆالاردىڭ» ديپلوماتياسى»;
«تسيفرلاندىرۋ جانە جاساندى ينتەللەكت: اسەرى مەن سالدارى»;
«الەۋمەتتىك تولقۋلار: جالعان اقپارات جانە الگوريتمدەردىڭ كۇشى» جانە باسقا دا تاقىرىپتارعا تالقىلاۋلار ۇيىمداستىرىلادى.
ەسكە سالا كەتەيىك, فورۋم جۇمىسىنا مەملەكەتتەر مەن ۇكىمەتتەردىڭ, حالىقارالىق ۇيىمدار مەن ءىرى كومپانيالاردىڭ باسشىلارى, ساياسي قايراتكەرلەر مەن ساراپشى توپتاردىڭ وكىلدەرى قاتىسادى.
شەتەلدىك دەلەگاتتار اراسىندا حۆق, دسۇ, ادب, ەقدب, ەقىۇ, يۋنەسكو, شىۇ, ەقىۇ پا, ەىدۇ جانە اقش ساۋدا ميسسياسىنىڭ وكىلدەرى بار.
ءىس-شارا گەوساياسي شيەلەنىستىڭ كۇشەيۋىنە جانە مەملەكەتارالىق ىنتىماقتاستىقتىڭ ءداستۇرلى مودەلدەرىنىڭ تۇبەگەيلى وزگەرۋىنە بايلانىستى بۇرىن-سوڭدى بولماعان سىن-قاتەرلەرگە قاتىستى جاۋاپتار ىزدەۋ ءۇشىن الەمدىك قوعامداستىقتىڭ كۇش-جىگەرىن بىرىكتىرۋگە ارنالعان.
