قاسىم-جومارت توقاەۆ انتونەللا ءباسسانيدى دۇنيجۇزىلىك بانكتىڭ ەۋروپا جانە ورتالىق ازيا بويىنشا ۆيتسە-پرەزيدەنتى لاۋازىمىنا تاعايىندالۋىمەن قۇتتىقتادى.
مەملەكەت باسشىسى دۇنيەجۇزىلىك بانك وسى ۋاقىتقا دەيىن قازاقستانداعى ءتۇرلى جوبالارعا 8 ميلليارد دوللاردان استام قارجى بولگەنىن اتاپ ءوتىپ, قارجى ينستيتۋتىنىڭ ەلىمىزبەن سەرىكتەستىگى جالعاسىن تاباتىنىنا سەنىم ءبىلدىردى.
پرەزيدەنت ەلىمىزدە كومىرسۋتەگى بەيتاراپتىعىنا جەتۋ ءۇشىن 2035 جىلعا دەيىن جالپى قۋاتى 10 گۆت «تازا» ەنەرگيا ءوندىرىسىن ىسكە قوسۋ, سونداي-اق ترانسكاسپي كولىك باعدارىن دامىتۋ جوبالارى جوسپارلانىپ وتىرعانىن جەتكىزدى. بۇدان بولەك, قازاقستان دۇنيەجۇزىلىك بانك تاراپىنان ۇزاقمەرزىمدى ينۆەستيتسياعا مۇددەلى ەكەنىن راستادى.
انتونەللا باسساني قاسىم-جومارت توقاەۆقا دۇنيەجۇزىلىك بانكتىڭ قازاقستاندا جانە ورتالىق ازيا ايماعىندا جۇزەگە اسىرىلىپ جاتقان جوبالارى مەن الداعى جوسپارلارى جونىندە مالىمەت بەردى. سونداي-اق ول جاھاندىق ەكونوميكانىڭ دامۋىنا قاتىستى ءوزىنىڭ پىكىرىن ايتتى.
