ۆاتيكاننىڭ رەسمي وكىلى ماتتەو ءبرۋنيدىڭ ايتۋىنشا, پونتيفيك دجەمەللي اۋرۋحاناسىندا جاسالعان وتادان كەيىن قالپىنا كەلۋ ءۇشىن بىرنەشە كۇن باقىلاۋدا بولادى.
86 جاستاعى پونتيفيكتىڭ دەنساۋلىعىندا بىرقاتار كىنارات بار ەكەنى بۇرىن دا حابارلانعان ەدى.ريم پاپاسىنىڭ تىزەسى ۇنەمى اۋىراتىندىقتان, ول مۇگەدەكتەر ارباسىندا وتىرۋعا ءماجبۇر.
«وتادان كەيىن ول تولىق قالپىنا كەلۋى ءۇشىن بىرنەشە كۇن مەديتسينالىق مەكەمەدە بولادى», دەپ ءتۇسىندىردى ماتتەو برۋني.
بۇعان دەيىن پاپا فرانتسيسك اپتا سايىنعى اۋديەنتسياسىن قالىپتى رەجيمدە وتكىزگەن. الايدا جوسپارلى وتا تۋرالى الدىن الا حابارلانباعان.
ايتا كەتسەك, 2021 جىلى ريم پاپاسى ىشەك اۋرۋىنان ايىعۋ ءۇشىن توق ىشەكتىڭ ءبىر بولىگىن الىپ تاستاعاننان كەيىن اۋرۋحانادا 10 كۇن جاتقان. جاقىندا ول سول دەرتكە قايتا شاعىمدانا باستادى.
دەنساۋلىعىنداعى كىناراتتارعا قاراماستان, ريم پاپاسى فرانتسيسكتىڭ كەستەسى ءالى دە تىعىز ەكەنىن ايتا كەتكەن ءجون. ماسەلەن, تامىز ايىندا ريم پاپاسىنىڭ پورتۋگاليا مەن موڭعولياعا جۇمىس ساپارى جوسپارلانعان.
