جەتىسۋ وبلىستىق سوتىنىڭ ءباسپاسوز قىزمەتى ۇسىنعان اقپاراتقا سايكەس, سەرىك كۇدەباەۆ سوت ۇكىمىنە اپەللياتسيالىق شاعىم تۇسىرگەن.
«سەرىك كۇدەباەۆتىڭ ۇستىنەن قوزعالعان قىلمىستىق ءىس بويىنشا اپەللياتسيالىق شاعىم 29 ماۋسىم ساعات 15:00-دە جەتىسۋ وبلىستىق سوتىندا قارالادى دەپ بەلگىلەندى», دەلىنگەن وبلىستىق سوت حابارلاماسىندا.
ەسكە سالا كەتسەك, وسى جىلدىڭ 28 ساۋىرىندە سەرىك كۇدەباەۆ 10 جىلعا باس بوستاندىعىنان ايىرىلدى.
ول سوتتاعى سوڭعى سوزىندە ءوز كىناسىن مويىنداۋدان باس تارتقانىن ايتا كەتۋ كەرەك.
«مەن كىنالى ەمەسپىن. حالقىما وق اتپادىم. ازاپتاۋ بولمادى. تاعىلعان ايىپتار سوتتا دالەلىن تاپپادى», دەدى سەرىك كۇدەباەۆ.
