جارىستىڭ اشىلۋ راسىمىنە الماتى قالاسى اكىمىنىڭ ورىنباسارى ارمان قىرىقباەۆ, رەسپۋبليكالىق شاحمات فەدەراتسياسىنىڭ پرەزيدەنتى تيمۋر تۋرلوۆ, ازيا شاحمات فەدەراتسياسىنىڭ باس حاتشىسى حيشام ءال-تاحەر جانە وزگە دە لاۋازىم يەلەرى قاتىستى. «حالىقارالىق جارىستاردى وتكىزۋ تاجىريبەسى ءبىزدىڭ شاحمات فەدەراتسياسىنىڭ جۇمىسىن نىعايتۋعا, ەلىمىزدە وسى ونەردى دامىتۋعا كوپ سەپتىگىن تيگىزەدى. وسىنداي ءىس-شارالاردىڭ ارقاسىندا قازاقستاننان ءالى كوپتەگەن چەمپيوننىڭ شىعاتىنىنا سەنىمدىمىن», دەيدى تۋرلوۆ.
بالۋان شولاق اتىنداعى سپورت سارايىندا ءوتىپ جاتقان جارىس شۆەيتساريالىق جۇيە بويىنشا 9 تۋردان تۇرادى. العاشقى تۋردىڭ ناتيجەسىندە رينات جۇماباەۆ, مۇرتاس قاجىعاليەۆ, دەنيس ماحنەۆ, نوگەربەك قىزىبەك, ارناش باۋىرجان, ليا قۇرمانعاليەۆا, ءامينا قايىربەكوۆا جانە تاعى باسقا جەرلەستەرىمىز جەڭىسكە جەتتى. اتالعان دودا 12 ماۋسىمدا ءوز مارەسىنە جەتەدى.
