وپەراتسيانىڭ سيرەك ءتۇرى

نەيروحيرۋرگيا بولىم­شە­سى­نىڭ مەڭ­گە­رۋ­شىسى وتكىزگەن وپەرا­­تسيا­نىڭ ناتيجەسىندە بى­تەلگەن تا­مىردان اينالىپ ءوتىپ, مي ارتەرياسىنداعى قان اعىسىن قالپىنا كەلتىرۋگە مۇمكىندىك تۋدى. دارىگەر ءسامايۇستى مەن ميدىڭ ورتا تامىرىنىڭ اراسىنا اناستوموز قويادى. مۇنداي وپەراتسيا ماي تۇيىنشەكتىڭ پايدا بولۋى سالدارىنان مي ارتەرياسى تەسىگىنىڭ سيمپتومدىق بىتەلۋى بايقالاتىن ناۋقاستارعا جاسالادى. اسقان شەبەرلىكپەن جاسالاتىن وپەراتسيا تەك قانا ميكروسكوپ استىندا جۇرەدى, ويتكەنى تامىردىڭ ديامەترى 0,1-0,15 سم-دەن اسپايدى, وسى مايدا تامىردى 10-12 جەردەن­ تىگۋ كەرەك. ەندىگى جەردە مارات سارشاەۆتىڭ شەبەرلىك ءدارىسىنىڭ ناتيجەسىندە وڭىردە وسىنداي وپەراتسيا جاساۋ جولعا قويىلماق.

سونىمەن قاتار اتىراۋدا العاش رەت تىزە مەن جامباس بۋى­نىن­ اۋىستىرۋ وپەراتسياسى دا جاسالدى. بۇل وپەراتسيانى ات­قا­ر­عان وكا تراۆماتولوگيا جانە ورتوپەديا بولىمشەسىنىڭ مەڭ­گە­رۋ­شىسى ساكەن مولداعاليەۆ ايتۋىنشا, ازىرگە اتىراۋدا وسى وپەراتسيانى جاسايتىن ماماندار مەن قاجەتتى جابدىق جوق.

«بۋىن اۋىستىرۋ وپەراتسياسى بىزدە 15 جىلدان بەرى جاسالىپ جاتىر. اتىراۋدا دا مۇنداي وپەراتسيانى جاساتۋدى كۇتىپ جۇرگەن كىسىلەردىڭ قاتارى بار. تەحنولوگيا دامىعان قازىرگى زاماندا سىنعان سۇيەك پەن تىزەنى ەمدەۋ بۇرىنعىداي قيىن ەمەس. يزرايلدەگى ماماندار ءتىپتى, سۇيەك پەن بۇلشىقەتتى قولدان ءوسىرۋدى ۇيرەنگەن, ياعني سۇيەك پەن بۇلشىقەتتى تولىقتاي جاساندىلارىمەن الماستىراتىن كۇن دە جاقىنداپ كەلەدى. ءبىز دە وسى ۇدەرىستەن قالماي, ۇيرەنىپ, تاجىريبەگە ەنگىزىپ وتىرمىز», دەيدى ماماندار.

ءار ايماقتا وتكىزىلە باس­تا­عان مە­ديتسينا ورتا­لى­عى­ كۇندەرى وزىق­ مەديتسي­نا جە­تىس­تىكتەرىن با­ر­شاعا قول­جە­تىم­دى ەتۋ ماق­سا­تىن­دا ۇيىم­داس­تىرىلىپ ءجۇر. ال اتى­راۋ­­عا «سوۆمين» اۋرۋ­­حانا­سى­نىڭ وزىنەن تراۆما­تولو­گيا­ جانە ورتوپەديا بولىم­شە­سى­نىڭ مەڭگەرۋشىسى ساكەن مول­داعاليەۆ, نەيروحيرۋرگيا­ بولىم­شەسىنىڭ مەڭگەرۋشىسى ما­رات­ سارشاەۆ, گينەكولوگيا­ بو­­لىم­­شەسىنىڭ مەڭگەرۋشىسى شول­پان­ اليەۆا, ونكوحيرۋرگيا بولىم­شە­سىنىڭ مەڭگەرۋشىسى عاليا حورو­شاش­, اقىلى مەديتسينالىق قىز­مەت­تەر بولىم­شە­سىنىڭ مەڭ­گەرۋ­شى­سى ديليارام رازيەۆا, نەيروحي­رۋرگ داۋلەت سۇيەمبەتوۆ, نەۆرو­لوگ­ اقەركە تاۋىربەكوۆا, گاس­تروەن­تەرولوگ ءلاززات قازان­باە­ۆا ات­تانعان ەدى. وسىلايشا ال­ماتىلىق ماماندار اتىراۋدا تىزە بۋىنى ارتروسكوپياسى مەن ەندوپروتەزدەۋ, جاتىر مەن جاتىر اينالاسىنا لاپوروسكوپيالىق ارالاسۋ, ەكستراينتراكرانيالدى ميكروتامىرلىق اناستوموز, لاپاروسكوپيالىق ادرەنالەكتوميا وپەراتسيالارىن جاساپ, پاتسيەنتتەرگە كەڭەس بەرىپ, ارىپتەستەرى اراسىندا شەبەرلىك دارىستەرىن جۇرگىزدى.