كەيىنگى جىلدارى ەلدىڭ تۋريستىك كومپانيالارى شەت ەلدەن تۋريستەر تارتۋعا, سونىڭ ىشىندە اراب ەلدەرىنەن قوناق شاقىرۋعا ەرەكشە دەن قويا باستادى. سەبەبى قوناقتار ءبىرىنشى كەزەكتە ولكەنىڭ كورىكتى جەرلەرىنە, قىزمەت كورسەتۋ ساپاسىنا نازار اۋدارادى. اپتا باسىندا ەلدەگى 10 تۋريستىك جانە قوناق ءۇي كومپانيالارىنان قۇرالعان دەلەگاتسيا قاتاردىڭ ەڭ نەگىزگى دەگەن تۋراگەنتتەرمەن جانە تۋروپەراتورلارمەن كەزدەستى. ساپارعا قازاقستاننىڭ قاتارداعى ەلشىلىگى, مادەنيەت جانە سپورت ءمينيسترلى, Kazakh Tourism ۇلتتىق كومپانياسى مەن شىمكەنت قالاسى اكىمدىگىنىڭ قولداۋ كورسەتكەن. جوعارىدا ايتقانداي, ەلدەگى تۋريستىك كومپانيالاردىڭ وكىلدەرى قاتار تۋروپەراتورلارىنا ەلدىڭ باي جانە بىرەگەي تۋريستىك الەۋەتىن تانىستىردى.
بۇل تۋرالى ەلدىڭ قاتارداعى ەلشىلىگىندەگى وكىلدەر «قاتارلىق تۋروپەراتورلار بىزگە قازاقستانداعى تۋرپاكەتتەرگە سۇرانىستىڭ ۇنەمى ءوسىپ كەلە جاتقانى تۋرالى, سونداي-اق ەلىمىزدىڭ تۋريستىك الەۋەتى مەن قوناقجايلىعىمىز تۋرالى اركەز وڭ پىكىر ايتادى», دەگەن-ءدى.
ال Kazakh Tourism كومپانياسىنىڭ وكىلدەرى قازاقستان مەن قاتار اراسىندا دوحا-الماتى باعىتىندا تىكەلەي اۋە قاتىناسىنىڭ ارقاسىندا ەكى ەل اراسىندا ىنتىماقتاستىق نىعايعانى تۋرالى حابارلادى. سونىمەن قاتار قاتارلىقتار بىزگە ۆيزاسىز كەلە الاتىنىن ايتا كەتكەن ءجون. كەزدەسۋ بارىسىندا قاتار تۋريستىك كومپانيالارى ءتۋريزمدى دامىتۋ ىسىندەگى ەكى ەل اراسىنداعى ارتىقشىلىقتاردى ەرەكشە اتاپ ءوتتى. سونداي-اق كومپانيالار قاتار تۋريستەرىنە قازاقستانعا ساپار بويىنشا ءتيىمدى ۇسىنىس جاساۋعا دايىن ەكەنىن جەتكىزدى.
كەزدەسۋگە جيىلعان قاۋىم مازمۇنى تولىعىمەن اراب تىلىنە بەيىمدەلگەن Kazakhstan.travel ۇلتتىق تۋريستىك پورتال ارقىلى ەلدىڭ تۋريستىك الەۋەتىن زەردەلەۋ مۇمكىندىگىن دە باعالادى.
