وديشا شتاتىندا جولاۋشىلار پويىزى مەن جۇك پويىزىنىڭ سوقتىعىسۋى سالدارىنان 288 ادام قازا تاۋىپ, 1000-عا جۋىق ادام جاراقات الدى.
جەرگىلىكتى باق مالىمەتىنشە, جارالى جولاۋشىلاردىڭ بارلىعى قۇتقارىلىپ, اۋرۋحاناعا جەتكىزىلدى.
پويىز اپاتى نەدەن بولعانى ءالى بەلگىسىز.
وقيعا ورنىن قالپىنا كەلتىرۋ جۇمىستارى باستالىپ كەتتى.
ايتا كەيتەيىك, ءۇندىستاندا بۇدان بۇرىن دا ادام شىعىنىنا اكەلگەن پويىز اپاتتارى بولعان.
- 1981 ج. ماۋسىم: تسيكلون كەزىندە پويىزدىڭ توعىز ۆاگونىنىڭ جەتەۋى وزەنگە قۇلاپ, 800-گە جۋىق ادام قازا تاپقان.
- 1995 ج. دەليدەن 200 كم (125 ميل) قاشىقتىقتا ەكى پويىز سوقتىعىسىپ, 350 ادام قازا تاپقان.
- 1999 ج. كالكۋتتا ماڭىندا بولعان پويىز اپاتى 285 ادامنىڭ ءومىرىن قيعان.
- 2005 ج. اندحرا-پرادەشتىڭ وڭتۇستىگىندە پويىز رەلستەن شىعىپ كەتىپ, 77 ادام قازا تاپقان.
- 2016 ج. يندور-پاتنا ەكسپرەسىنىڭ 14 ۆاگونى كانپۋر قالاسىنىڭ ماڭىندا رەلستەن شىعىپ كەتكەندىكتەن 150-گە جۋىق ادام قازا تاۋىپ, 150 ادام جاراقات العان.
مەملەكەت باسشىسى قاسىم-جومارت توقاەۆ قايعىلى وقيعاعا بايلانىستى ءۇندىستان پرەمەر-مينيسترىنە كوڭىل ايتىپ, جەدەلحات جولدادى.
