پرەمەر-مينيستر قازاقستان ەۋروپالىق وداقپەن ينۆەستيتسيالىق سەرىكتەستىكتى ودان ءارى تەرەڭدەتۋگە جانە ءوزارا ساۋدانى ارتاراپتاندىرۋعا مۇددەلى ەكەنىن اتاپ ءوتتى. سونىمەن قاتار سوڭعى جىلدارى اسا ماڭىزدى شيكىزات سالاسىنداعى ىنتىماقتاستىقتى دامىتۋ ماسەلەسىن دە كوتەردى.
ءاليحان سمايىلوۆ بىلتىر COP-27 كونفەرەنتسياسى اياسىندا ەۋروكوميسسيا باسشىسى ۋرسۋلا فون دەر ليايەنمەن بىرگە وسى باعىتتاعى ىنتىماقتاستىق تۋرالى مەموراندۋمعا قول قويىلعانىن ەسكە سالدى.
«قۇجات ەكونوميكانىڭ ناقتى سەكتورلارىنداعى ارىپتەستىگىمىزدى نىعايتۋ بويىنشا ناقتى شارالاردى كوزدەيدى, ونىڭ نەگىزگى ەلەمەنتى «جاسىل» تەحنولوگيالاردى ەنگىزۋ بولىپ تابىلادى. بۇل وسى سالاداعى ورتاق ماقساتتارىمىزدى جۇزەگە اسىرۋعا قوسىمشا سەرپىن بەرەتىنى ءسوزسىز», دەدى پرەمەر-مينيستر.
ماروش شەفچوۆيچ ەۋروپالىق وداقتىڭ بۇعان دەيىن قول جەتكىزىلگەن بارلىق ۋاعدالاستىقتى جۇزەگە اسىرۋدى جالعاستىرۋعا دايىن ەكەنىن اتاپ ءوتتى.
