«حالىق قاتىساتىن بيۋدجەت» جوباسى – تۇرعىنداردىڭ اباتتاندىرۋعا بولىنگەن قاراجاتتى يگەرۋگە قاتىسۋ جوباسى. باعدارلاماعا قاتىسۋ ءۇشىن استانالىقتار اۋلانى نەمەسە قوعامدىق كەڭىستىكتى اباتتاندىرۋ جوسپارىن دايىنداپ, اۋدان اپپاراتىنىڭ سايتىنا جۇكتەۋى قاجەت. سودان كەيىن جوبا ساراپتامالىق كەڭەستىڭ تەكسەرۋىنەن وتەدى جانە ماقۇلدانعان جاعدايدا داۋىس بەرۋگە ۇسىنىلادى. ەڭ كوپ داۋىس جيناعان جوبالار جازعى ماۋسىمنىڭ سوڭىنا دەيىن جۇزەگە اسىرىلادى.
اۋلالاردى اباتتاندىرۋ جوسپارى تۇرعىندارمەن بىرگە تولىعىمەن قايتا قارالىپ, مامانداردىڭ كومەگىمەن تولىقتىرىلادى. اباتتاندىرۋ اۋلانى تولىق جوندەۋدى قامتيدى: كوگالداندىرۋ, اۋلا ىشىلىك جولداردى اسفالتتاۋ, شاعىن ساۋلەت نىساندارىن اۋىستىرۋ, بالالار الاڭدارىن جانە ت. ب. ورناتۋ. بيىل سارىارقا اۋدانىندا «حالىق قاتىساتىن بيۋدجەت» جوباسى بويىنشا 15 اۋلانى اباتتاندىرۋ جوسپاردا بار. ودان بولەك, قوسىمشا 12 مەكەنجاي بويىنشا ويىن الاڭدارىن جاڭارتامىز.
ايتا كەتەيىك, 2019 جىلدان باستاپ سارىارقا اۋدانىندا «حالىق قاتىساتىن بيۋدجەت» جوباسى بويىنشا تۇرعىنداردىڭ 54 باستاماسى ىسكە اسىرىلدى. وتكەن جىلى اۋداندا 45 اۋلا جاڭارتىپ, ونىڭ 23-ءى تۇرعىنداردىڭ ەلوردا بيۋدجەتىنە قاتىسۋى اياسىندا تولىقتاي جوندەلدى.
