2020 جىلى پرەزيدەنت قاسىم-جومارت توقاەۆ «اڭساعان ءcابي» ۇلتتىق جوباسىن جاريالاعان بولاتىن. بۇل باعدارلاما بويىنشا بەدەۋلىكتى ەكستراكورپورالدى ۇرىقتاندىرۋ (ەكۇ) ادىسىمەن ەمدەۋگە جىل سايىن 7 مىڭ كۆوتا بولىنەدى, سونىڭ ارقاسىندا تەك 2021 جىلى ەلىمىزدە 3 مىڭنان استام بالا دۇنيەگە كەلىپ, وسى بالالاردىڭ اتا-انالارى پەرزەنت ءسۇيۋ باقىتىنا يە بولدى.
«قازاقستانداعى ءاربىر التىنشى ەرلى-زايىپتى بەدەۋلىككە شالدىققان. رەسمي ستاتيستيكاعا سايكەس ەلىمىزدە 21 مىڭنان استام ادامعا بەدەۋلىك دياگنوزى قويىلسا, وكىنىشكە قاراي بۇل كورسەتكىش ءوسىپ كەلەدى. بار كۇش-قۋاتىم مەن قابىلەتىمدى بەدەۋلىككە قارسى كۇرەسكە ارناعان رەپرودۋكتيۆتى مەديتسينا سالاسىنىڭ مامانى رەتىندە مەن ءۇشىن بۇل ءمۇسىن جاي عانا سيمۆول ەمەس. ءبىزدىڭ ماقساتىمىز – رەپرودۋكتيۆتى مەديتسينا سالاسىنداعى زەرتتەۋلەردى, يننوۆاتسيالاردى قولداۋ مەن دامىتۋدىڭ ماڭىزدىلىعىنا قوعام نازارىن اۋدارۋ. سونىمەن قاتار بەدەۋلىك ماسەلەسىنە تاپ بولعان ەرلى-زايىپتىلارعا ەموتسيونالدىق كومەك پەن جاناشىرلىق تانىتۋ دا ماڭىزدى», دەدى ءمۇسىننىڭ اشىلۋ سالتاناتىندا «ەكومەد» كلينيكالار توبىنىڭ نەگىزىن قالاۋشىسى جانە عىلىمي جەتەكشىسى سالتانات بايقوشقاروۆا.
وسىلايشا قولا ءمۇسىن جاڭا تۇساۋىن كەسكەن New Generation Clinic (NGC) حالىقارالىق رەپرودۋكتسيا ورتالىعى عيماراتىنىڭ قاسبەتىنە كورىك بەرىپ تۇر. الدىن الا جوسپارلانعانىنداي, ول رەپرودۋكتيۆتى مەديتسينا سالاسىنداعى قاجىرلى ەڭبەك پەن جەتىستىكتەردى بەينەلەيدى. انا الاقانىنداعى ءسابيدىڭ بەينەسىندەگى بۇل كومپوزيتسيا رەپرودۋكتيۆتى دەنساۋلىق سالاسىنداعى عىلىمي جاڭالىقتار مەن يننوۆاتسيالاردىڭ ماڭىزدىلىعىن بىلدىرەدى. ءمۇسىن – انا بولۋدى ارماندايتىن ءاربىر ايەلدىڭ قۋاتى مەن نازىكتىلىگىنىڭ, سەنىمى مەن باتىلدىعىنىڭ سيمۆولى.
ءبىزدىڭ ەلىمىزدە رەپرودۋكتيۆتى تەحنولوگيالاردىڭ جوعارى دەڭگەيدە دامۋى قازاقستانداعى ەكو ءادىسىنىڭ نەگىزىن قالاعان سالتانات بايقوشقاروۆانىڭ ءالترۋيزمى, سەنىمى مەن يدەياسىنا ادالدىعىنىڭ ارقاسىندا جۇزەگە استى. 1995 جىلى 18 ساۋىردە ول «ەكومەد» اتتى شاعىن زەرتحانانىڭ نەگىزىن قالاپ, 1996 جىلى 31 شىلدە ايىندا ەكو ادىسىمەن تۇڭعىش قازاقستاندىق قىز بالا دۇنيەگە كەلدى.
ۋاقىت وتە كەلە شاعىن زەرتحانا ادام رەپرودۋكتسياسى كلينيكالارىنىڭ توبىنا اينالدى, ەلىمىز ءۇشىن بەدەۋلىكپەن كۇرەسەتىن جۇزدەگەن زاماناۋي مامان دايىندادى, بۇگىنگى تاڭعا دەيىن كلينيكادا 20 مىڭعا جۋىق ءسابي دۇنيەگە كەلدى.
ال «ەكومەد» بەدەۋلىككە قارسى كۇرەستە ءۇمىت پەن جەڭىستىڭ سيمۆولىنا اينالدى. ول بۇگىندە بىلىكتى ماماندار جوعارى ساپالى مەديتسينالىق قىزمەت كورسەتەتىن №1 ەمحاناعا اينالدى.
«رەپرودۋكتيۆتى تەحنولوگيالار ۇزدىكسىز دامىپ كەلەدى. مەن «ەكومەد» كلينيكالار توبىنىڭ قازاقستان مەن ورتالىق ازياداعى ەكستراكورپورالدى ۇرىقتاندىرۋ سالاسىنداعى كوشباسشىعا اينالعانىن ماقتان تۇتامىن. ءاۋ باستان-اق قازاقستاندىق رەپرودۋكتيۆتى مەديتسيناعا سوڭعى جاڭالىقتار مەن تەحنولوگيالاردى ەنگىزۋدى ماقسات ەتىپ قويدىم. وسىلايشا, New Generation Clinic (NGC) زاماناۋي حالىقارالىق رەپرودۋكتسيا ورتالىعىن ىسكە قوسۋ يدەياسى دۇنيەگە كەلدى. بۇل الەمدىك ستاندارتتارعا سايكەس جۇمىس ىستەيتىن, ەڭ جوعارى ساناتتاعى قىزمەت پەن ەمدەۋدى ۇسىناتىن وزىق جاڭا بۋىن كلينيكاسى. مۇندا قازاقستاندا العاش رەت جاساندى ينتەللەكت ارقىلى بەدەۋلىكتى ەمدەۋدىڭ ەڭ زاماناۋي ادىستەرى قولدانىلۋدا», دەيدى سالتانات بايقوشقاروۆا.
