قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №991

2013 جىلعى 10 جەلتوقسان, استانا قالاسى «سۋبسيديالاناتىن مارشرۋتتاردا ۇشۋدى ورىنداعان كەزدە ۇشۋ ساعاتىنىڭ وزىندىك قۇنى ەسەبىنىڭ نۇسقاۋلىعىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 18 ناۋرىزداعى № 159 بۇيرىعىنا وزگەرىس پەن تولىقتىرۋ ەنگىزۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 14-بابى 1-تارماعىنىڭ 24) تارماقشاسىنا سايكەس بۇيىرامىن: 1. «سۋبسيديالاناتىن مارشرۋتتاردا ۇشۋدى ورىنداعان كەزدە ۇشۋ ساعاتىنىڭ وزىندىك قۇنى ەسەبىنىڭ نۇسقاۋلىعىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 18 ناۋرىزداعى № 159 بۇيرىعىنا ء(نورماتيۆتىڭ قۇقىقتىق اكتىلەر ءتىزىلىمىنىڭ №6856 مەملەكەتتىك تىركەۋىندە تىركەلگەن, № 154-155 (26557) 2011 جىلعى 19 ساۋىردەگى «ەگەمەن قازاقستان» گازەتىندە جاريالانعان) مىناداي وزگەرىس پەن تولىقتىرۋ ەنگىزىلسىن: وسى بۇيرىقپەن بەكىتىلگەن سۋبسيديالاناتىن مارشرۋتتاردا ۇشۋدى ورىنداعان كەزدە ۇشۋ ساعاتىنىڭ وزىندىك قۇنى ەسەبىنىڭ نۇسقاۋلىعىندا: 3-تارماق مىناداي رەداكتسيادا جازىلسىن: «3. وسى نۇسقاۋلىقتا پايدالانىلاتىن ۇعىمدار: 1) ۇشۋ ساعاتى – ۇشاقتىڭ ۇشىپ كوتەرىلۋ ماقساتىندا قوزعالۋ ساتىنەن باستاپ ونىڭ ۇشۋ اياقتالعاننان كەيىن توقتاعان ساتىنە دەيىنگى جالپى ۋاقىت. 2) ۇشۋ ساعاتىنىڭ وزىندىك قۇنى – رەيستەر قۇنىن ەسەپتەۋ كەزىندە قۇرامداس بولىگى بولىپ تابىلاتىن اۋىسپالى شىعىستارمەن قاتار اۋە كەمەلەرىن پايدالانۋدىڭ ورىندىلىعىن باعالاۋ ءۇشىن قولدانىلاتىن نەگىزگى كورسەتكىش. سينتەتيكالىق كورسەتكىشتەگى سياقتى ۇشۋ ساعاتىنىڭ وزىندىك قۇنىندا وندىرىستىك جانە قارجى-شارۋاشىلىق قىزمەتىنىڭ بارلىق جاقتارى كورسەتىلەدى: ماتەريالدىق, ەڭبەك جانە قارجى رەسۋرستارىن پايدالانۋ دارەجەسى. 3) ليزينگتىك تولەمدەر – ەسەپتىك كەزەڭدەگى قارجىلىق ليزينگ شارتى بويىنشا جالداۋ اقىسىنىڭ سوماسى.»; مىناداي مازمۇنداعى 8-تارماقپەن تولىقتىرىلسىن: «8. ۇشۋ ساعاتىنىڭ وزىندىك قۇنىن ەسەپتەۋ كەزىندە تومەندەگى كەلەسى شىعىستار ەسەپتەلمەيدى: نورماتيۆتەن تىس تەحنيكالىق جانە كوممەرتسيالىق ىسىراپتارعا, تاۋارلىق-ماتەريالدىق قۇندىلىق­تاردىڭ جانە قويمالارداعى قورلاردىڭ ءب ۇلىنۋى مەن جەتىسپەۋشىلىگىنە باسقا وندىرىستىك ەمەس شىعىستار مەن ىسىراپتار; وندىرىستىك قىزمەتتى ىسكە اسىرۋ كەزىندە پايدالانىلمايتىن نەگىزگى قۇرالداردىڭ امورتيزاتسيالىق اۋدارىمدارى; لاستاۋشى زاتتاردىڭ نورماتيۆتەن تىس شىعارىندىلارى (تاستاندىلارى) ءۇشىن تولەمدەر; سوت شىعىندارى; سەنىمسىز قارىزدار; شارۋاشىلىق شارتتاردىڭ تالاپتارىن بۇزعانى ءۇشىن ايىپپۇلدار, وسىماقىلار, تۇراقسىز تولەمدەر مەن سانكتسيالاردىڭ باسقا تۇرلەرى; تابىستى جاسىرعانى (تومەندەتكەنى) ءۇشىن ايىپپۇلدار مەن ءوسىمپۇلدار; ۇرلىقتان كەلگەن زالالدار; قىزمەت كورسەتۋشى وندىرىستەر مەن شارۋاشىلىقتاردى ء(ۇي-جايلاردى تەگىن بەرۋ, قوعامدىق تاماقتاندىرۋ ۇيىمدارىنا كوممۋنالدىق قىزمەتتەر قۇنىن تولەۋ) ۇستاۋ جونىندەگى شىعىستار; قۇزىرەتتى ورگانمەن كەلىسىلگەن تەحنولوگيالىق قاجەتتىلىكتەن باسقا دەنساۋلىق ساقتاۋ, مەكتەپكە دەيىنگى بالالار مەكەمەلەرى, وقۋ ورىندارىنا, كاسىپتىك-تەحنيكالىق ۋچيليششەلەر وبەكتىلەرىن ۇستاۋعا شىعىستار; ساۋىقتىرۋ لاگەرلەرىن, مادەني جانە سپورت وبەكتىلەرىن, تۇرعىن ءۇي قورىن ۇستاۋعا شىعىستار; مادەني-اعارتۋ, ساۋىقتىرۋ جانە سپورت ءىس-شارالارىن (دەمالىس كەشتەرىن, سپەكتاكلدەر مەن كونتسەرتتەر وتكىزۋ) وتكىزۋگە شىعىستار; كاسىپورىنداردىڭ قىزمەتكەرلەرىنە تۇرعىن-ءۇي جاعدايلارىن جاقسارتۋعا, باقشا ۇيلەرىن ساتىپ الۋعا جانە ءۇي شارۋاشىلىعىن جۇرگىزۋگە بەرىلگەن نەسيەلەردى (پايىزسىزدارىن قوسا العاندا) وتەۋگە شىعىستار; باقشالىق سەرىكتەستىكتەردى اباتتاندىرۋ (ونىڭ ىشىندە جول سالۋ, ەنەرگيامەن جانە سۋمەن جابدىقتاۋ, جالپى سيپاتتاعى باسقا شىعىستاردى جۇزەگە اسىرۋ) جونىندەگى شىعىستار; دارىستەر, كورمەلەر, پىكىرسايىستار, عىلىم جانە ونەر قايراتكەرلەرىمەن كەزدەسۋلەر, عىلىمي-تەحنيكالىق كونفەرەنتسيالار وتكىزۋگە جانە ۇيىمداستىرۋعا شىعىستار; وندىرىستىك ماقساتتارعا پايدالانىلاتىن ونىمدەردى قوسپاعاندا, بۇقارالىق اقپارات قۇرالدارىنداعى جارنامالار بويىنشا, جارنامالىق, پلاكاتتىق جانە باسپاحانالىق ونىمدەر شىعارۋ بويىنشا شىعىستار; ءوندىرىستى ۆاحتالىق ۇيىمداستىرۋدى قوسپاعاندا, تاۋار نارىعى سۋبەكتىلەرىنىڭ پەرسونالى ءۇشىن پاتەرلەردى, تۇرعىن عيماراتتاردى جانە قۇرىلىستاردى, جاتاقحانالار مەن قوناق ۇيلەردەگى ورىنداردى ساتىپ الۋعا, جالداۋعا جانە ۇستاۋعا ارنالعان; قالانى اباتتاندىرۋ, اۋىل شارۋاشىلىعىنا كومەك كورسەتۋ جونىندەگى جۇمىستاردى جانە وسى تارىزدەس باسقا دا جۇمىستاردى ورىنداۋعا شىعىستار; ءبىلىم بەرۋ ۇيىمدارىندا وقيتىن قىزمەتكەرلەردىڭ ەڭبەك دەمالىستارىنا اقى تولەۋگە شىعىستار; جۇمىس قورىتىندىلارى بويىنشا سىيلىقاقى بەرۋگە جانە سىياقىنىڭ باسقا دا نىساندارىنا شىعىستار; كاسىبي اۋرۋلاردى وڭالتۋ ەمىنە بايلانىستى شىعىنداردان باسقا, اۆياكومپانيا قاراجاتتارىنىڭ ەسەبىنەن قىزمەتكەرلەرگە جانە ولاردىڭ بالالارىنا ەمدەلۋگە, دەمالۋعا, ساياحاتقا شىعۋعا جولدامالارعا اقى تولەۋ جونىندەگى شىعىستار; ساقتاندىرۋ تولەمدەرى (كاسىپورىندارمەن ءوز قىزمەتكەرلەرىنىڭ پايداسىنا جاسالعان جەكە جانە م ۇلىكتىك ساقتاندىرۋ شارتتارى بويىنشا كاسىپورىندار تولەگەن جارنالار); قىزمەتكەرلەرگە, ونىڭ ىشىندە بالالار تاربيەلەيتىن ايەلدەرگە قوسىمشا بەرىلەتىن دەمالىستارعا (ەڭبەك زاڭناماسىندا كوزدەلگەننەن تىس) اقى تولەۋگە, قىزمەتكەردىڭ وتباسى مۇشەلەرىنە دەمالىستى وتكىزەتىن جەرىنە جانە قايتار جولىنا جولاقى تولەۋگە, سونداي-اق پايدالانىلماعان دەمالىسى ءۇشىن وتەماقى تولەۋگە شىعىستار; دەمەۋشىلىك كومەكتىڭ بارلىق تۇرلەرىن كورسەتۋگە شىعىستار; ەڭبەك زاڭناماسىندا كوزدەلگەننەن باسقا قىزمەتكەرلەرگە (قىزمەتكەرلەرگە تاماقتى تەگىن نەمەسە تومەندەتىلگەن باعامەن بەرۋ, ساۋىقتىرۋ توپتارىنا, سەكتسيالاردا, كلۋبتاردا شۇعىلدانۋعا ارنالعان ابونەمەنتتەرگە, پروتەز سالۋعا اقى تولەۋ) جەڭىلدىكتەر; مەرەيتويلىق كۇندەرگە نەمەسە قىزمەتكەرلەرگە ىنتالاندىرۋ تۇرىندە بەرىلەتىن (اۆتوكولىك, پاتەرلەر, ۇزاق ۋاقىت پايدالانىلاتىن زاتتار مەن باسقا تاۋارلار, سونداي-اق قىزمەتكەرلەردىڭ جەكە ەسەپتەرىنىڭ پايىزدىق مولشەرلەمەلەرىن ارتتىرۋ) سىيلىقتاردى ساتىپ الۋعا شىعىستار; مەكتەپكە دەيىنگى بالالار مەكەمەلەرىندەگى, شيپاجايلارداعى جانە ساۋىقتىرۋ لاگەرلەرىندەگى بالالار تاماقتارىنىڭ قۇنىن وتەۋگە شىعىستار; ۇجىمدىق شارتتا ايقىندالعان ماقساتتار ءۇشىن كاسىپوداقتارعا اۋدارىم جاساۋ شىعىستارى; تاجiريبەلىك-ەكسپەريمەنتتiك جۇمىستاردى جۇرگىزۋگە, ونەرتاپقىشتىق پەن راتسيوناليزاتورلىق ۇسىنىستار بويىنشا مودەلدەر مەن ۇلگiلەردi جاساۋعا جانە سىناۋعا (رەتتەلiپ كورسەتiلەتiن قىزمەتتەردi (تاۋارلاردى, جۇمىستاردى) ۇسىنعان كەزدە قولدانىلاتىن جۇمىستاردى قوسپاعاندا), كورمەلەر, بايقاۋلار, كونكۋرستار مەن باسقا دا iس-شارالار ۇيىمداستىرۋعا, اۆتورلىق سىياقىلار تولەۋگە جانە ت.ب. بايلانىستى شىعىستار; وندىرىستىك قىزمەتتى جۇزەگە اسىرۋعا تىكەلەي قاتىسى جوق شىعىستاردىڭ باسقا دا تۇرلەرى.». 2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا رەسمي جاريالانۋىن, سونىڭ ىشىندە ونى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 3) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى «ادىلەت» رەسپۋبليكالىق مەملەكەتتىك كاسىپورنىنىڭ اقپاراتتىق-قۇقىقتىق جۇيەسىنە رەسمي جاريالاۋعا كوشىرمەلەرىن جىبەرۋدى; 4) وسى بۇيرىق قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلگەننەن كەيiن 5 جۇمىس كۇنi iشiندە مەملەكەتتiك تiركەۋ تۋرالى جانە بۇقارالىق اقپارات قۇرالدارىندا جاريالاۋعا جiبەرۋ تۋرالى مالiمەتتەردi قازاقستان رەسپۋبليكاسى كولiك جانە كوممۋنيكاتسيا مينيسترلiگiنiڭ زاڭ دەپارتامەنتiنە ۇسىنۋدى قامتاماسىز ەتسiن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ا.ع. بەكتۇروۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى ءمينيستردىڭ مىندەتىن اتقارۋشى ا. بەكتۇروۆ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 24 قاڭتاردا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9092 بولىپ ەنگىزىلدى.