قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №830

2013 جىلعى 24 قازان, استانا قالاسى «اۆياتسيالىق پەرسونالدىڭ شەتەل مەملەكەتتەرى بەرگەن كۋالىكتەرىن تانۋ ەرەجەسىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2010 جىلعى 28 قاراشاداعى  № 546 بۇيرىعىنا وزگەرىس ەنگىزۋ تۋرالى ازاماتتىق اۆياتسيا سالاسىنداعى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن حالىقارالىق ازاماتتىق اۆياتسيا ۇيىمى يكاو-نىڭ قۇجاتتارىنا سايكەس كەلتىرۋ ماقساتىندا, بۇيىرامىن: 1. «اۆياتسيالىق پەرسونالدىڭ شەتەل مەملەكەتتەرى بەرگەن كۋالىكتەرىن تانۋ ەرەجەسىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2010 جىلعى 28 قاراشاداعى № 546 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە) № 6690 تىركەلگەن) مىناداي وزگەرىس ەنگىزىلسىن: كورسەتىلگەن بۇيرىقپەن بەكىتىلگەن اۆياتسيالىق پەرسونالدىڭ شەتەل مەملەكەتتەرى بەرگەن كۋالىكتەرىن تانۋ ەرەجەسىندە: 4-تارماق مىناداي رەداكتسيادا جازىلسىن: «4. شەتەل ازاماتىنا شەتەل مەملەكەتى بەرگەن ازاماتتىق اۆياتسيانىڭ اۆياتسيا پەرسونالىنىڭ كۋالىگى مىناداي تالاپتار ساقتالعان كەزدە قازاقستان رەسپۋبليكاسىنىڭ ازاماتتىق اۆياتسيا سالاسىنداعى ۋاكىلەتتى ورگانى جارامدى دەپ تانيدى: 1) ۇمىتكەر قازاقستان رەسپۋبليكاسىنىڭ ازاماتتىق اۆياتسياسى ۇيىمىنا جۇمىسقا شاقىرىلسا (كوشىرمەسى); 2) ۇمىتكەر مىناداي قۇجاتتاردى ۇسىنادى: جەكە باسىن كۋالاندىراتىن قۇجات (تولقۇجات); ازاماتتىق اۆياتسيا پەرسونالىنىڭ اۆياتسيالىق كۋالىگى (كوشىرمەسى); مەديتسينالىق قورىتىندى (ۇشۋ جانە ديسپەتچەرلىك قۇرام ءۇشىن – كوشىرمەسى); ۇشۋ كىتاپشاسىنان ۇشۋ ساعاتتارى تۋرالى جازبا بولىمىنەن سوڭعى ءۇش بەت (كوشىرمەسى); وسى ەرەجەگە1-قوسىمشاعا سايكەس نىسان بويىنشا شەت مەملەكەت بەرگەن اۆياتسيا پەرسونالىنىڭ كۋالىكتەرىن تانۋعا ءوتىنىش (تۇپنۇسقا); اۋە قۇقىعى, مەتەورولوگيا بويىنشا ءبىلىمدى كورسەتۋ ناتيجەلەرىنىڭ كوشىرمەلەرى, پايدالانۋ راسىمدەرى, قازاقستان رەسپۋبليكاسىنىڭ ەرەكشەلىكتەرىن ەسەپكە العانداعى فرازەولوگيا (اۋە ەكيپاجى مۇشەلەرى). ەگەر قازاقستان رەسپۋبليكاسىندا تىركەلگەن زاڭدى تۇلعا بولىپ تابىلاتىن پايدالانۋشى باسقا مەملەكەتتە (تىركەۋ مەملەكەتى) تىركەلگەن اۋە كەمەلەرىن پايدالانعان جاعدايدا, ەگەر قازاقستان رەسپۋبليكاسىمەن جانە اۋە كەمەسى تىركەلگەن مەملەكەتپەن جاسالعان حالىقارالىق شارتتارمەن وزگەشە كوزدەلمەسە جاعدايدا, وسى اۋە كەمەلەرىنىڭ ەكيپاج مۇشەلەرىنىڭ اۆياتسيالىق پەرسونالىنىڭ كۋالىكتەرىن تانۋدى تىركەۋ مەملەكەتى جۇزەگە اسىرادى». 2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ): 1) زاڭنامادا بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە تىركەلۋىن; 2) بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن بۇقارالىق اقپارات قۇرالدارىندا, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا رەسمي جاريالانۋىن جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن قامتاماسىز ەتسىن; 3) قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ زاڭ دەپارتامەنتىنە وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىنەن كەيىن 5 جۇمىس كۇنى ىشىندە مەملەكەتتىك تىركەۋ تۋرالى جانە بۇقارالىق اقپارات قۇرالدارىندا جاريالاۋعا جىبەرۋ تۋرالى مالىمەتتەردى ۇسىنسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ا.ع. بەكتۇروۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.جۇماعاليەۆ.