Forbes.kz باسىلىمى تاراتقان اقپاراتقا سايكەس, 2022 جىلدىڭ ماۋسىم ايىندا «قازاقمىس كورپوراتسياسى» 1,3 ملرد تەڭگەگە جشس «ليۋكس سەرۆيس كز» جشس اكتسيالارىنىڭ 50 پايىزىن ساتىپ الدى. ايتا كەتسەك, «قازاقمىس كوپپەر» اق كومپانياسى جىلجىمايتىن م ۇلىكتى پايدالانۋمەن, جىلجىمالى جانە جىلجىمايتىن م ۇلىك وپەراتسيالارىمەن, دەۆەلوپەرلىك قىزمەتپەن اينالىسادى.
ەلەكتروندىق ۇكىمەت دەرەكقورىندا كومپانيانىڭ ەكىنشى قۇرىلتايشىسى رەتىندە «جىلجىمايتىن م ۇلىكتى باسقارۋ ديرەكتسياسى» جشس كورسەتىلگەن. ال ونىڭ سەرىكتەسى - «ەلباسى قورى». «ەلباسى قورىنىڭ» نەگىزگى قۇرىلتايشىسى - نۇرسۇلتان نازارباەۆ. مامىلەگە دەيىن «قازاقمىس كورپوراتسياسى» جشس ساتىپ العان ۇلەسى «EBF Investment» جشس-نا تيەسىلى بولدى, ونىڭ دا قۇرىلتايشىسى - «ەلباسى قورى».
«ليۋكس سەرۆيس كز» جشس استانادا ەسىل اۋدانى, 77 جول, 2/1 قۇرىلىس مەكەنجايى بويىنشا تىركەلگەن. مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسىندە وسى مەكەنجاي بويىنشا جەر ۋچاسكەسىنىڭ نىسانالى ماقساتى اۆياتسيالىق انگار مەن ترانسفورماتورلىق قوسالقى ستانتسيانى پايدالانۋ دەپ كورسەتىلگەن.
كاسىپكەرلەر ۆلاديمير كيم مەن ەدۋارد وگاي «Kazakhmys Copper» اق ارقىلى «قازاقمىس كورپوراتسياسىنىڭ» 69,37% جانە 29,73% ۇلەسىنە يەلىك ەتەدى. ولار 2022 جىلدىڭ ءساۋىر ايىندا «جەتىمشوقى بك» جشس-ءنىڭ 60% قاتىسۋ ۇلەسىن 2,3 ملرد تەڭگەگە ساتىپ الدى. بۇل كاسىپورىن «Vertex Holding» جشس-مەن بايلانىستى. ونىڭ يەسى – ۆلاديمير جۇمانباەۆ. مامىلەدەن كەيىن «Vertex Holding» جشس-ءنىڭ ۇلەسى 99,99-دان 39,99%-عا دەيىن تومەندەگەن.
