«Big Sky Capital» جانە «Activat-VC» بولاشاعى زور تەحنولوگيالىق ستارتاپتاردى ينۆەستيتسيالاۋعا ماماندانعان اۋقىمدى ۆەنچۋرلىق قورلاردىڭ قاتارىندا. ولار «ApartX»-ءتىڭ الەۋەتىن بايقاپ, ونىڭ جىلجىمايتىن م ۇلىكتى جالعا بەرۋ نارىعىندا جاڭا ءتاسىلى مەن زور ترانسفورماتسيالىق كۇشىن مويىندادى. سونىمەن قاتار «ApartX»-ءتىڭ مەنشىك يەلەرى مەن جالعا الۋشىلاردىڭ جاعدايىن جاقسارتىپ, جەڭىلدەتۋ مىندەتىن تولىق قولدايدى.
ء«بىز «ApartX» ستارتاپىنىڭ نەگىزىن قالاۋشى قانات كەلدىبەكوۆتىڭ جۇمىسىن كوپتەن بەرى مۇقيات قاداعالاپ كەلەمىز. وسى ۋاقىت ارالىعىندا ونىڭ بويىنان عانا ەمەس, بىرەگەي جوباسىنىڭ قۇرىلىمىنان دا بولاشاقتا كەرەگى مول دۇنيەلەردى كوردىك. ءبىز «ApartX» جوباسى مەن ونىڭ يننوۆاتسيالىق ءتاسىلىنىڭ الەۋەتىنە, ءوز ميسسياسىن ءساتتى جۇزەگە اسىرا الاتىنىنا تولىق سەنەمىز. «ApartX» جىلجىمايتىن م ۇلىكتى جالعا بەرۋ سالاسىنداعى جەتەكشى ورىنعا يە بولىپ, جاڭا ستاندارتتار مەن يننوۆاتسيالاردى ۇسىنۋعا دايىن. ولار ۇسىناتىن «SaaS» شەشىمىنىڭ اۋقىمىن وزگە نارىقتا قولدانۋعا بولادى», دەدى «Big Sky Capital» قورىنىڭ باسقارۋشى سەرىكتەسى ءادىل نۇرعوجين.
«ApartX» ستارتاپىنا تارتىلعان قارجى كەلەسىدەي ناتيجەلەرگە قول جەتكىزۋگە جۇمسالادى. ءبىرىنشى – تەحنولوگيالىق دامۋ. «ApartX» ءوز پلاتفورماسىن ودان ءارى جەتىلدىرۋگە كۇش سالادى. ينۆەستيتسيالاردىڭ ناتيجەسىندە ستارتاپ عىلىمي زەرتتەۋ جانە تاجىريبەلىك جۇمىستاردى كۇشەيتىپ, بىلىكتى مامانداردى تارتىپ, پلاتفورمانىڭ فۋنكتسيونالدىعىن جاقسارتادى. ەكىنشى – اۋقىمىن ارتتىرىپ, نارىقتى كەڭەيتۋ. «ApartX» جاڭا ايماقتارعا ەنىپ, نارىقتاعى ۇلەسىن كوبەيتۋدى جوسپارلاپ وتىر. «Big Sky Capital» قورىنىڭ ينۆەستيتسيالارى ستارتاپقا نارىقتاعى قاتىسۋىن ارتتىرىپ, وسى سالاداعى نەگىزگى ويىنشىلارمەن ستراتەگيالىق سەرىكتەستىك ورناتۋعا مۇمكىندىك بەرەدى. سونداي-اق مالايزيا, يندونەزيا, سينگاپۋر, ۆەتنام جانە تايلاند ەلدەرىنىڭ نارىعىنا شىعۋ جوسپارلانىپ وتىر.
«Big Sky Capital» كومپانياسىنىڭ قوماقتى ينۆەستيتسياسىنىڭ قولداۋىمەن جىلجىمايتىن م ۇلىكتى جالعا الۋدىڭ قاراپايىم ءارى قاۋىپسىز ۇدەرىسى ارقىلى ادامدار ءومىرىن جاقسارتۋدى جالعاستىرامىز. وسى رەتتە ءادىل نۇرعوجين مەن جان قارسىباەۆ سەكىلدى سەرىكتەستەرىمە ريزاشىلىعىمدى بىلدىرەمىن. قور مەن ونىڭ قۇرىلتايشىلارى يننوۆاتسيالىق جوبالاردى قولداپ, ولاردىڭ تابىسقا جەتۋىنە كومەكتەسۋدە باي تاجىريبەگە يە. بۇل ينۆەستيتسيا ءبىزدىڭ الەۋەتىمىزدى كۇشەيتىپ, ءونىمدى جاقسارتۋ مەن كوماندامىزدى نىعايتۋعا جاردەمدەسەدى. «Big Sky Capital»-مەن بىرلەسە اتقاراتىن جۇمىسىمىز جاڭا بيىكتەردى باعىندىرۋعا جانە جالعا بەرىلەتىن جىلجىمايتىن م ۇلىك لاندشافىن وزگەرتۋگە جول اشادى», دەيدى «ApartX» ستارتاپىنىڭ نەگىزىن قالاۋشى قانات كەلدىبەكوۆ.
«ApartX» – جالعا بەرىلەتىن م ۇلىكتى قاشىقتان باسقارۋعا ارنالعان پلاتفورما جانە ءموبيلدى قوسىمشا. يننوۆاتسيالىق ستارتاپ مەنشىك يەلەرى مەن جالعا الۋشىلار ءۇشىن «SaaS» شەشىمىن ۇسىنادى. «ApartX» جالعا الۋشىلار مەن مەنشىك يەلەرىن بايلانىستىرىپ, جىلجىمايتىن م ۇلىكتى جالعا الۋدىڭ يننوۆاتسيالىق شەشىمىن كورسەتەدى. ونىڭ م ۇلىكتى جالعا بەرۋدەگى بىرەگەي ءتاسىلى قازىردىڭ وزىندە كوپشىلىكتىڭ نازارىن اۋدارىپ, پايدالانۋشىلاردىڭ وڭ باعاسىنا يە بولدى.
