الاشتىڭ ءبىرتۋار ازاماتى, مەملەكەت جانە قوعام قايراتكەرى سماعۇل سادۋاقاس ۇلىنىڭ جانە قۋعىن-سۇرگىنگە ۇشىراعان بارشا قۇربانداردىڭ ارۋاعىنا قۇران باعىشتالدى. قالا تۇرعىندارى, ەلوردا جاستارى, قۇربان بولعان ازاماتتاردىڭ ۇرپاقتارى جينالىپ, عالىمدار جىلى ەستەلىكتەرىن ايتتى.
«قازىرگى ەسەپ بويىنشا ساياسي قۋعىن-سۇرگىننەن ءۇش ميلليونعا جۋىق ادام زارداپ شەككەن. بۇل قازاقتىڭ قاسىرەتى. سوتتادى, قۋدالادى. سول كەزدە گولوششەكيننىڭ باعدارلاماسىنا قارسى شىققانداردىڭ قاتارىندا سماعۇل سادۋاقاس ۇلى, جالاۋ مىڭباي ۇلى سەكىلدى ازاماتتارىمىز بولدى. بىزدەن قولداعاندار دا بولدى», دەدى ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا مۇشەسى سابىر قاسىموۆ.
سونىمەن قاتار ول «قازاق گازەتتەرى» جشس باس ديرەكتورى ديحان قامزابەك ۇلى سماعۇل سادۋاقاس ۇلىنىڭ سۇيەگىنىڭ ك ۇلىن ەلگە كەلۋىنە ۇلكەن ۇلەس قوسقانىن ايتتى.
«بۇگىن قازاق ەلىنىڭ تاۋەلسىزدىگى ءۇشىن جاپا شەككەن اسىل ازاماتتارىمىزدى ەسكە الاتىن كۇن. بىزگە ەڭ قىمبات تاۋەلسىزدىك جولىندا سماعۇل سادۋاقاس ۇلىنىڭ, ونىڭ اعايىندارىنىڭ دا شەككەن زارداپتارىن ۇمىتۋ مۇمكىن ەمەس. وسى كىسىلەردىڭ ەسىمدەرىن ۇلىقتاۋ − باستى پارىزىمىز. بۇل شارا ءار جىلى ديحان قامزابەك ۇلىنىڭ باستاماسىمەن ءوتىپ ءجۇر. بيىل شارانىڭ اۋقىمى كەڭەيىپ, قالا اكىمىنىڭ تاپسىرماسىمەن ءوتىپ جاتىر», دەدى استانا قالاسى «بايقوڭىر» اۋدانىنىڭ اكىمى ەرلان ءالىمباي ۇلى.
شارا سوڭىندا تاريح عىلىمدارىنىڭ دوكتورى مارات ابسەمەتوۆ الاش زيالىلارى تۋرالى ونەگەلى, تاريحي اقپاراتتارىمەن ءبولىستى.
ەرلان كيىكباي,
ل.ن. گۋميلەۆ اتىنداعى ەۇۋ ستۋدەنتى
