قازاقستان رەسپۋبليكاسى ۇكىمەتىنىڭ قاۋلىسى №639

2014 جىلعى 11 ماۋسىم, استانا, ۇكىمەت ءۇيى «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا وزگەرىس پەن تولىقتىرۋ ەنگىزۋ تۋرالى «شەتەلدىكتەردىڭ قۇقىقتىق جاعدايى تۋرالى» 1995 جىلعى 19 ماۋسىمداعى قازاقستان رەسپۋبليكاسى زاڭىنىڭ 22-بابىنا جانە «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسى زاڭىنىڭ 8-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا (قازاق­ستان رەسپۋبليكاسىنىڭ ءپۇاج-ى, 2012 ج., № 29, 388-قۇجات) مىناداي وزگەرىس پەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىندا: 5-تارماقتىڭ ءبىرىنشى بولىگى مىناداي رەداكتسيادا جازىلسىن: «5. ەگەر قازاقستان رەسپۋبليكاسىنىڭ زاڭناماسىندا جانە/نەمەسە قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە ءتارتىپ بەلگىلەنبەسە, قازاقستان رەسپۋبليكاسىنىڭ ۆيزالارى بولعان كەزدە كوشىپ كەلۋشىلەر حالىقارالىق جانە جولاۋشى قاتىناستارى ءۇشىن اشىق قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرى ارقىلى پاسپورتتارى نەمەسە ولاردى الماستىراتىن قۇجاتتارى (بۇدان ءارى – پاسپورت) بويىنشا قازاقستان رەسپۋبليكاسىنا كەلەدى جانە قازاقستان رەسپۋبليكاسىنان كەتەدى.»; مىناداي مازمۇنداعى 2-1-بولىممەن تولىقتىرىلسىن: «2-1. جەكەلەگەن شەتەلدىك مەملەكەتتەر ازاماتتارىنىڭ قازاقستان رەسپۋبليكاسىنا كەلۋىنىڭ جانە بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ ءتارتىبى. 15-1. ەگەر قازاقستان رەسپۋبليكاسىندا بولۋ كەزەڭى قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن ساتتەن باستاپ كۇنتىزبەلىك ون بەس كۇننەن اسپاسا, امەريكا قۇراما شتاتتارى, گەرمانيا فەدەراتيۆتىك رەسپۋبليكاسى, فرانتسۋز رەسپۋبليكاسى, يتاليا رەسپۋبليكاسى, نيدەرلاندى كورولدىگى, بىرىككەن اراب امىرلىكتەرى, ۇلىبريتانيا مەن سولتۇستىك يرلانديا بىرىككەن كورولدىگى, مالايزيا, كورەيا رەسپۋبليكاسى جانە جاپونيانىڭ ازاماتتارى 2014 جىلعى 15 شىلدە - 2015 جىلعى 15 شىلدە ارالىعىنداعى كەزەڭدە قازاقستان رەسپۋبليكاسىنا ۆيزاسىز كەلەدى جانە قازاقستان رەسپۋبليكاسىنان ۆيزاسىز كەتەدى. 15-2. وسى قاعيدالاردىڭ 15-1-تارماعىندا كورسەتىلگەن مەملەكەتتەردىڭ ازاماتتارى قازاقستان رەسپۋبليكاسىنىڭ اۋماعىندا ىسكەرلىك ماقساتتا بولۋىن كۇنتىزبەلىك ون بەس كۇننەن ارتىق ۇزارتۋ تۋرالى ءوتىنىش بەرگەن كەزدە, قازاقستان رەسپۋبليكاسىنىڭ ىشكى ىستەر ورگاندارى زاڭنامادا بەلگىلەنگەن تارتىپپەن كۇنتىزبەلىك وتىز كۇنگە دەيىنگى مەرزىمگە «ىسكەرلىك» ساناتىنداعى بىرمارتەلىك ۆيزالاردى بەرۋدى جۇزەگە اسىرادى. 15-3. وسى قاعيدالاردىڭ 15-1-تارماعىندا كورسەتىلگەن مەملەكەتتەر ازاماتتارىنىڭ ينۆەستور مارتەبەسىن دالەلدەيتىن ينۆەستيتسيالار جونىندەگى ۋاكىلەتتى ورگاننىڭ قولداۋحاتى بولعان كەزدە, قازاقستان رەسپۋبليكاسى سىرتقى ىستەر مينيسترلىگى زاڭنامادا بەلگىلەنگەن تارتىپپەن كۇنتىزبەلىك توقسان كۇنگە دەيىنگى مەرزىمگە «ينۆەستورلىق» ساناتىنداعى بىرمارتەلىك ۆيزالاردى جانە ءۇش جىلعا دەيىنگى مەرزىمگە كوپمارتەلىك ۆيزالاردى بەرۋدى جۇزەگە اسىرادى.». 2. قازاقستان رەسپۋبليكاسى سىرتقى ىستەر مينيسترلىگى قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى №148 قاۋلىسىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىندا كورسەتىلگەن مەملەكەتتەرگە ديپلوماتيالىق ارنالار ارقىلى حابارلاما جولداسىن. 3. قازاقستان رەسپۋبليكاسى ۇلتتىق قاۋىپسىزدىك كوميتەتى (كەلىسىم بويىنشا), قازاقستان رەسپۋبليكاسىنىڭ «سىربار» سىرتقى بارلاۋ قىزمەتى (كەلىسىم بويىنشا), قازاقستان رەسپۋبليكاسى ىشكى ىستەر مينيسترلىگى جانە قازاقستان رەسپۋبليكاسى سىرتقى ىستەر مينيسترلىگى ءبىر اي مەرزىمدە وسى قاۋلىدان تۋىندايتىن ءتيىستى شارالاردى قابىلداسىن. 4. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى, رەسمي جاريالاۋعا ءتيىس جانە 2015 جىلعى 15 شىلدەگە دەيىن قولدانىلادى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.