«1997 جىلدان باستاپ قازاقستاندا جىل سايىن 31 مامىردا تاريحىمىزدىڭ ەڭ قاسىرەتتى بەتتەرىنىڭ ءبىرى – ميلليونداعان ادامنىڭ ولىمىنە اكەپ سوققان جاپپاي ساياسي قۋعىن-سۇرگىن مەن الاپات اشتىق قۇرباندارىن ەسكە الۋ كۇنى اتالىپ وتىلەدى. «الجير»-گە بەرىلگەن بۇل مۇراعاتتىق فوتوماتەريالدار مەن قۇجاتتار تاريحي ادىلەتتىلىكتى قالپىنا كەلتىرۋگە ءوز ۇلەس قوساتىنىنا سەنىم مول», دەدى تۇڭعىش پرەزيدەنت كىتاپحاناسىنىڭ ديرەكتورى باقىتجان تەمىربولات.
«الجير» مۇراجاي-مەموريالدىق كەشەنىنىڭ ديرەكتورى سامات تەرگەمباەۆتىڭ سوزىنشە, اتالعان كەشەن جاپپاي تەررور قۇرباندارىنا ارنالعان بىرەگەي ەسكەرتكىش رەتىندە حح عاسىردىڭ 1930-1950 جىلدارىنداعى قايعىلى وقيعالاردىڭ ەستەلىگىن ساقتاۋعا, سونداي-اق بولاشاقتا مۇنداي اۋىر قايعى-قاسىرەت قايتالانباس ءۇشىن جاس ۇرپاقتىڭ بويىندا وتانسۇيگىشتىك پەن ادامگەرشىلىك قاسيەتتەردى قالىپتاستىرۋعا كومەكتەسەدى.
ءوز كەزەگىندە پرەزيدەنت ءارحيۆى ديرەكتورىنىڭ ورىنباسارى بەيسەمباي جۇمابەكوۆ مۇراعاتتا حح عاسىرداعى ساياسي قۋعىن-سۇرگىن ماتەريالدارىن زەرتتەۋ ورتالىعىنىڭ اشىلۋىمەن رەسپۋبليكادا وسىنداي قۇجاتتاردىڭ مامانداندىرىلعان قويماسى پايدا بولعانىن اتاپ ءوتتى. ەلىمىزدە ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ جۇمىسى ءتيىستى رەسمي مۇراعاتتىق قولداۋعا يە بولدى.
ءىس-شاراعا سونداي-اق پارلامەنت دەپۋتاتتارى, قازاقستان حالقى اسسامبلەياسىنىڭ مۇشەلەرى, ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا مۇشەلەرى, تسەلينوگراد اۋدانى اكىمدىگىنىڭ قىزمەتكەرلەرى, ارداگەرلەر مەن قوعامدىق ۇيىمداردىڭ وكىلدەرى قاتىستى.
