تۇلەكتەر كۇنى

سالتاناتتى جيىندى­ ۋني­ۆەر­سيتەتتىڭ باسقارما توراعاسى-رەك­تور جانسەيىت تۇيمەباەۆ اشىپ, تۇلەكتەرگە تابىس تىلەدى. جيىندا تۇلەكتەرگە دەگەن ىزگى تىلەك جول­دا­عان عىلىم جانە جوعارى ءبىلىم ءمي­نيسترى ساياسات نۇربەكتىڭ قۇت­تىق­تاۋ حاتى وقىلدى.

ج.تۇيمەباەۆ تۇلەكتەردى ۋنيۆەرسيتەت دامۋىنداعى ماڭىزدى جەتىس­تىكتەرمەن تانىستىرا كە­لىپ,­ «ۋني­ۆەرسيتەت دامۋىنىڭ باس­تى كورسەتكىشى – تۇلەكتەر. ولار­دىڭ ىشىندە مەملەكەت جانە قوعام قايراتكەرلەرى, كورنەكتى عالىمدار, كاسىپكەر-مەتسەناتتار, تاجىريبەلى ديپلوماتتار بار», دەپ اتاپ ءوتتى.

كەزدەسۋ بارىسىندا ءال-فارا­بي اتىنداعى قازاق ۇلتتىق ۋني­­ۆەرسيتەتى ديرەكتورلار كەڭە­سى­نىڭ توراعاسى, ۋنيۆەرسيتەت تۇ­لەكتەرى قاۋىمداستىعىنىڭ پرە­زيدەنتى قايرات ءمامي ءسوز سوي­لەپ, تۇلەكتەر اتىنان وقۋ وردا­سىن جاڭا جەتىستىكتەرىمەن قۇتتىقتادى.

بۇگىندە قازاق ۇلتتىق ۋنيۆەر­سي­تەتى جاڭا زامان تالابىنا ساي­ جاڭارىپ كەلەدى. بيىل قارا شا­ڭىراقتان 8 مىڭنان استام تۇ­لەك قانات قاقسا, ولاردىڭ 6 758-ءى – باكالاۆردى, 1 774-ءى – ماگيستراتۋرانى, 442-ءسى دوكتو­رانتۋرانى ءتامامداپ, 1 256 تۇلەك «ۇزدىك ديپ­لوم» يەگەرى اتاندى.

ءىس-شارا بارىسىندا «اسا كور­نەكتى تۇلەك» مەدالىن سالتا­نات­­­تى تۇردە تابىستاۋ ءرا­سىمى ءوتتى. ەرەكشە ماراپات زاڭ­ عى­­­لىم­­­­­­­­دا­رىنىڭ دوكتورى,­ پرو­فەس­سور,­ جو­عارعى سوت جانىنداعى حا­لىق­­ارا­لىق كەڭەستىڭ مۇشەسى, زاڭ­ فا­كۋل­تەتىنىڭ 1967 جىلعى تۇلەگى اناتولي ديدەنكوعا بەرىلدى.

15 فاكۋلتەت تۇلەكتەرى, ونىڭ ىشىندە شە­تەلدىك ستۋدەنتتەر دە بار, قازاق ۇلت­تىق ۋنيۆەرسيتەتى تۇلەكتەرى قاۋىم­داس­تىعى اتىنان شاكىرتاقى الدى.

سالتاناتتى شارادان سوڭ تۇ­لەكتەر قاۋىمداستىعى پرەزي­ديۋ­مى­نىڭ وتىرىسى ءوتىپ, جۇمىس قورى­تىندىسى مەن جوسپارلار تال­قىلاندى.

تۇلەكتەر كۇنى فاكۋلتەتتەردە­ جال­عاسىن تاۋىپ, كونتسەرتتىك باع­دارلاماعا ۇلاستى.

الماتى