ونىڭ ايتۋىنشا, قازىر ءتورت جوبانىڭ قۇرىلىسى ءجۇرىپ جاتىر.
«اتاپ ايتقاندا, الماتى اۋەجايىندا 200 ميلليون دوللاردان استام قارجىعا جاڭا حالىقارالىق تەرمينالدىڭ قۇرىلىسى ءجۇرىپ جاتىر. الداعى جازدا پايدالانۋعا بەرىلەدى دەپ جوسپارلانىپ جاتىر. جالپى ورىندالعان جۇمىس كولەمى 60 پايىزدى قۇرايدى», دەدى تالعات لاستاەۆ.
سونىمەن قاتار, جەكە ينۆەستيتسيا ەسەبىنەن شىمكەنت جانە قىزىلوردا اۋەجايلارىندا جاڭا جولاۋشىلار تەرمينالدارىنىڭ قۇرىلىسى جالعاسىپ جاتىر, ال قوستاناي اۋەجايى تەرمينالىن ۇكىمەت رەزەرۆى ەسەبىنەن تەلەسكوپيالىق باسپالداق ورناتۋمەن جانە كەلۋ زالىنىڭ قۇرىلىسىمەن قايتا جاڭعىرتۋ جۇمىستارى جۇرگىزىلىپ جاتىر.
سونداي-اق مەملەكەت باسشىسىنىڭ تاپسىرماسى بويىنشا پاۆلودار اۋەجايىنىڭ ۇشۋ-قونۋ جولاعىن جانە تاكسي جولىن, بالقاش اۋەجايىنىڭ پەررونىن قايتا جاڭارتۋ ماسەلەسى پىسىقتالىپ جاتىر.
