سوت انىقتاعانداي 2015 جىلعى ءساۋىر – 2022 جىلعى ناۋرىز ارالىعىندا ەمحانانىڭ باس دارىگەرى ك. مەملەكەتتىك فۋنكتسيالاردى ورىنداۋعا ۋاكىلەتتى تۇلعا بولا وتىرىپ, باس بۋحگالتەر ن. جانە كادرلار ءبولىمىنىڭ ينسپەكتورى س.-مەن الدىن الا قىلمىستىق كەلىسىم ورناتىپ, ءىس جۇزىندە جۇمىس ىستەمەيتىن 19 تۇلعانى قىزمەتكە تاعايىنداۋ تۋرالى بۇيرىقتاردى راسىمدەۋ جونىندەگى ءىس-ارەكەتتەرگە باسشىلىق ەتكەن.
رەسمي تۇردە راسىمدەلگەن قىزمەتكەرلەردىڭ شوتتارىنا اي سايىن ەڭبەكاقى ەسەپتەپ, اۋدارىپ وتىرعان, كەيىننەن ونى ءوز مەنشىگىنە اينالدىرىپ, ءوز قاجەتتىلىكتەرىنە جۇمساعان.
ايىپتالۋشىلار قۇقىققا قايشى ارەكەتتەرى ارقىلى مەملەكەتكە 79 ملن تەڭگەدەن استام شىعىن كەلتىرگەن.
زالالدى وتەۋ شارالارىن ەسكەرە وتىرىپ, ەكى تۇلعا 7 جىل مەرزىمگە شارتتى تۇردە باس بوستاندىعىنان ايىرىلدى, س.-عا 5 جىل مەرزىمگە ماتەريالدىق-جاۋاپتى لاۋازىمداردى اتقارۋ قۇقىعىنان ايىرۋ تۇرىندە قوسىمشا جازا تاعايىندالدى, ن. 5 جىل مەرزىمگە بۋحگالتەرلىك قىزمەتپەن اينالىسۋ قۇقىعىنان ايىرىلدى.
سوت باس دارىگەر ك.-عا 7 جىل مەرزىمگە باس بوستاندىعىنان ايىرۋ جازاسىن تاعايىندادى, ول ورتا قاۋىپسىزدىك قاج مەكەمەسىندە جازاسىن وتەيتىن بولادى, سونداي-اق مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى.
سوت ۇكىمى زاڭدى كۇشىنە ەنگەن جوق.
