«29 مامىر اباي وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتىنىڭ «سەمەي ورمانى» مەملەكەتتىك ورمان تابيعي رەزەرۆاتى» رمم باسشىلىعىنا جانە باسقا دا تۇلعالارعا قاتىستى ۇكىمى جاريالاندى», دەلىنگەن انتيكوردىڭ حابارلاماسىندا.
مەملەكەتتىك مەكەمەنىڭ ءۇش باسشىسى ۇيىمداسقان قىلمىستىق توپقا قاتىسۋعا جانە كاسىپكەرلەردەن جۇيەلى نەگىزدە 700 مىڭنان 13 ملن تەڭگەگە دەيىن پارا الۋعا كىنالى دەپ تانىلدى. ولار زاڭسىز سىياقىنى لاۋازىمدى تۇلعالارعا رەزەرۆات اۋماعىندا سانيتارلىق تازالاۋ مەن اعاش كەسۋگە رۇقسات بەرگەنى, مەملەكەتتىك ساتىپ الۋ جونىندەگى شارتتارعا كەدەرگىسىز قول قويعانى, سونداي-اق جالپى قامقورلىعى ءۇشىن بەرگەن.
«رەزەرۆاتتىڭ ءۇش باسشىسى 10 جىلعا سوتتالدى, ال بەس پارا بەرۋشى پارا بەرگەنى ءۇشىن كىنالى دەپ تانىلىپ, ءبىر جارىم جىلدان ءۇش جارىم جىلعا دەيىنگى مەرزىمگە باس بوستاندىعىنان ايىرىلدى. ولار ءومiر بويى مەملەكەتتiك قىزمەتتە, جەرگiلiكتi ءوزiن-ءوزi باسقارۋ ورگاندارىندا, قارجى ۇيىمدارىندا جانە كۆازيمەملەكەتتiك سەكتوردا قىزمەت اتقارۋ قۇقىعىنان ايىرىلدى», دەپ تولىقتىردى انتيكور.
ۇكىم زاڭدى كۇشىنە ەنگەن جوق.
