ەنەرگەتيكا سالاسىندا ەلىمىزدىڭ ءرولى جوعارى

كانادانىڭ ءۇش پروۆينتسياسىنىڭ, اقش-تىڭ ون ەكى شتاتىنىڭ جانە ۆەنەسۋەلانىڭ زاڭ شىعارۋ­شى وكىلدەرىن بىرىكتىرەتىن ەنەر­گەتيكالىق كەڭەستىڭ شاقىرۋىمەن قازاقستان رەسپۋبليكاسىنىڭ كاناداداعى توتەنشە جانە وكى­لەتتى ەلشىسى كونستانتين جيگالوۆ «ەنەرگەتيكا جانە قورشاعان ورتا سالاسىنداعى ۇردىستەر» دەگەن تاقىرىپپەن  كانادانىڭ ساس­كاچەۆان پروۆينتسياسىندا وتكەن كونفەرەنتسياعا قاتىستى. ەنەرگەتيكالىق كەڭەستىڭ نەگىز­گى ماقساتى – وزەكتى ەنەرگەتيكا ماسەلەلەرى بويىنشا الدىڭعى قاتارلى تاجىريبەلەرمەن الماسۋ. كەڭەس, سونىمەن قاتار, جا­ڭا زەرتتەمەلەر دايىندايتىن جانە ەنەرگەتيكالىق نارىقتاعى ءۇر­دىستەرمەن اينالىساتىن وسى سەكتور كومپانيالارىمەن, اكادە­ميا­لىق ورتا جانە ۋنيۆەرسيتەتتەرمەن تىعىز بايلانىس ورناتقان. ەنەرگەتيكالىق كەڭەستىڭ ءتور­اعا­سى, تەحاس شتاتى قاۋىم­دار پا­­لا­تاسىنىڭ دەپۋتاتى ۋەين سميت اش­قان ءىس-شاراعا ساس­كا­چە­­ۆان پرو­ۆينتسياسىنىڭ ساۋ­دا, ين­­­نو­­ۆاتسيالار جانە تۋريزم مي­­نيسترى دجەرەمي حارريسون, رەد­­جاينا قالاسىنىڭ باسشىسى مايكل فۋدجەر, البەرتا, ساس­كا­چە­ۆان پروۆينتسيالارى مەن اتال­عان امەريكالىق شتاتتاردىڭ زاڭ شى­­­عارۋشى جينالىستارىنىڭ ءمۇ­شە­­لەرى, بىرقاتار زەرتتەۋ ورتا­لىق­­­­تارى مەن سولتۇستىك امەريكا كوم­­­­­پا­نيالارىنىڭ باسشىلارى (سو­­نىڭ ىشىندە الەمدەگى ەڭ ءىرى ۋران ءون­­­دىرەتىن «Cameco Cor­po­ra­tion» مەن «Enbridge Energy», «Ex­xonMobil», «Westport» سياق­تى مۇ­ن­ا­ي-گاز كومپانيالارى جانە ت.ب.) قا­­­تىس­تى. ساسكاچەۆان زاڭ شىعا­رۋ­­­شى جي­نالىسىنىڭ سپيكەرى دەن د’وت­رە­مون مەن پروۆينتسيانىڭ گە­­نە­رال-لەيتەنانتى ۆوگن سكول­فيلد حانىم كونفەرەنتسياعا قا­تى­­­سۋ­­شىلارعا جىلى لەبىزدەرىن ءبىلدىردى. ك.جيگالوۆ قازاقستاننىڭ الەۋ­­­مەتتىك جانە ەكونوميكالىق جە­تىس­تىكتەرى, «قازاقستان-2050» سترا­­­تەگياسىنىڭ باسىمدىقتارى, يندۋستريالىق-يننوۆاتسيالىق دامۋ مەملەكەتتىك باعدارلاماسى ەكىن­شى كەزەڭىنىڭ جۇزەگە اسىرىلا باستاۋى, ەلىمىزدەگى ينۆەس­تي­تسيا­لىق احۋالدى جاقسارتۋ بويىن­شا قابىلدانعان جاڭا شارالار پاكەتى, ەلىمىزدىڭ مۇناي جانە گاز سەكتورىن دامىتۋدىڭ نەگىزگى باعىتتارى, قازاقستاندىق-كانادالىق ىنتىماق­تاستىق, سونىڭ ىشىندە ۋران سالا­سىنداعى ءوزارا ارەكەتتەسۋ, استانا­دا وتەتىن ەكسپو-2017 حالىق­ارا­لىق كورمەسىنە دايىندىق ماسە­لەلەرى تۋرالى ايتىپ بەردى. كونفەرەنتسيا شەڭبەرىندە ك.جيگالوۆ, سونىمەن قاتار, ەنەر­­گەتيكالىق كەڭەس اتقارۋشى كو­ميتەتىنىڭ مۇشەلەرىمەن كەز­دەس­­تى. ينتەراكتيۆتى ۇنقاتىسۋ ءپىشى­نىندە وتكەن كەزدەسۋدە كانادا پرو­ۆينتسيالارىنىڭ دەپۋتاتتارى مەن امەريكا شتاتتارىنىڭ سەنا­تورلارى قازاقستاننىڭ ەنەر­گەتيكا­لىق نارىقتاعى ءرولى وسە ءتۇسىپ وتىرعانىن اتاپ ءوتىپ, ينۆەستورلار ءۇشىن جاڭا پرەفەرەنتسيالار پاكەتىن ەنگىزۋ بويىنشا قازاقستاندىق تاراپتىڭ باستامالارىن, سونىڭ ىشىندە ەل ەكونوميكاسىنا ەڭ ءىرى ينۆەستورلار ءۇشىن ۆيزالىق رەجىمدى جەڭىلدەتۋ بويىنشا قابىلدانعان شەشىمدەردى جوعارى باعالادى. كونفەرەنتسيا ناتيجەسىن­دە ەنەرگەتيكالىق كەڭەس پەن قازاقستان اراسىنداعى ۇنقاتى­سۋدى, سونىڭ ىشىندە كانادا مەن اقش-تا وتكىزىلەتىن ءىس-شارالار شەڭبەرىندە جالعاستىرۋ تۋرالى ۋاعدالاستىققا قول جەتكىزىلدى. «ەگەمەن-اقپارات».