الماتى وكا-سىنىڭ نەيروحيرۋرگيا بولىمشەسىنىڭ مەڭگەرۋشىسى وتكىزگەن وتانىڭ ناتيجەسىندە بىتەلگەن تامىردان اينالىپ ءوتىپ, مي ارتەرياسىنداعى قان اعىسىن قالپىنا كەلتىرۋگە مۇمكىندىك تۋدى. دارىگەر ءسامايۇستى مەن ميدىڭ ورتا تامىرىنىڭ اراسىنا اناستوموز قويادى. مۇنداي وتا ماي تۇيىنشەكتىڭ پايدا بولۋى سالدارىنان باس مي ارتەرياسىنىڭ تەسىگى سيمپتومدىق بىتەلۋى بايقالاتىن ناۋقاستارعا جاسالادى.
اسقان شەبەرلىكپەن جاسالاتىن وتا تەك قانا ميكروسكوپ استىندا جۇرەدى, ويتكەنى تامىردىڭ ديامەترى 0,1 -0,15 سم-دەن اسپايدى, وسى مايدا تامىردى 10-12 جەردەن تىگۋ كەرەك.
اتىراۋدا بۇرىن-سوڭدى جاسالىپ كورمەگەن مۇنداي وتا تۇرلەرى «سوۆميندە» كوپ جىلدان بەرى جاسالىپ ءجۇر. ەندىگى جەردە مارات سارشاەۆتىڭ شەبەرلىك ءدارىسىنىڭ ارقاسىندا وڭىردە وسىنداي وتا جاساۋ جولعا قويىلماق.
سونىمەن بىرگە اتىراۋدا العاش رەت تىزە مەن جامباس بۋىنىن اۋىستىرۋ وتاسى دا جاسالدى. بۇل وتانى اتقارعان وكا تراۆماتولوگيا جانە ورتوپەديا بولىمشەسىنىڭ مەڭگەرۋشىسى ساكەن مولداعاليەۆ ايتۋىنشا, قازىرگە اتىراۋدا وسى وتانى جاسايتىن ماماندار مەن قاجەتتى جابدىق جوق.
«بۋىن اۋىستىرۋ وتاسى بىزدە 15 جىلدان بەرى جاسالىنىپ جاتىر. اتىراۋدا دا مۇنداي وتانى جاساتۋدى كۇتىپ جۇرگەن كىسىلەردىڭ قاتارى بار. تەحنولوگيا دامىعان قازىرگى زاماندا سىنعان سۇيەك پەن تىزەنى ەمدەۋ بۇرىنعىداي قيىن ەمەس. يزرايلدەگى ماماندار ءتىپتى, سۇيەك پەن بۇلشىقەتتى قولدان ءوسىرۋدى ۇيرەنگەن, ياعني سۇيەك پەن بۇلشىقەتتى تولىقتاي جاساندىلارىمەن الماستىراتىن كۇن دە جاقىنداپ كەلەدى. ءبىز دە وسى ۇدەرىستەن قالىس قالماي, ۇيرەنىپ, تاجىريبەگە ەندىرىپ وتىرمىز», دەيدى ماماندار.
ءار ايماقتا وتكىزىلە باستاعان پرەزيدەنت ىستەرى باسقارماسىنىڭ مەديتسينا ورتالىعى كۇندەرى وزىق مەديتسينا جەتىستىكتەرىن بارشاعا قولجەتىمدى ەتۋ ماقساتىندا ۇيىمداستىرىلىپ ءجۇر.
ال اتىراۋعا تەك ء«سوۆميننىڭ» اتىنان تراۆماتولوگيا جانە ورتوپەديا بولىمشەسىنىڭ مەڭگەرۋشىسى ساكەن مولداعاليەۆ, نەيروحيرۋرگيا بولىمشەسىنىڭ مەڭگەرۋشىسى مارات سارشاەۆ, گينەكولوگيا بولىمشەسىنىڭ مەڭگەرۋشىسى شولپان اليەۆا, ونكوحيرۋرگيا بولىمشەسىنىڭ مەڭگەرۋشىسى عاليا حوروشاش, اقىلى مەديتسينالىق قىزمەتتەر بولىمشەسىنىڭ مەڭگەرۋشىسى ديليارام رازيەۆا, نەيروحيرۋرگ داۋلەت سۇيەمبەتوۆ, نەۆرولوگ اقەركە تاۋىربەكوۆا, گاستروەنتەرولوگ ءلاززات قازانباەۆا اتتانعان ەدى.
وسىلايشا الماتىلىق ماماندار اتىراۋدا تىزە بۋىنى ارتروسكوپياسى مەن ەندوپروتەزدەۋ, جاتىر مەن جاتىر اينالاسىنا لاپوروسكوپيالىق ارالاسۋ, ەكستراينتراكرانيالدى ميكروتامىرلىق اناستوموز, لاپاروسكوپيالىق ادرەنالەكتوميا وتالارىن جاساپ, پاتسيەنتتەرگە كەڭەس بەرىپ, ارىپتەستەرىنە دە دارىستەر جۇرگىزدى.
الماتى
