World Scholar's Cup اكادەميالىق وليمپياداسى بولاشاق عالىمدار مەن كوشباسشىلاردىڭ جاھاندىق قاۋىمداستىعى بولىپ سانالادى. بۇگىنگە دەيىن وزەكتى ماسەلەلەر مەن يدەيالاردى تالقىلاۋ ءۇشىن الەمنىڭ ءار تۇكپىرىنەن وقۋشىلاردىڭ باسىن بىرىكتىرىپ, ولارعا جاڭا قىرلارىن اشۋعا, العان ءبىلىمىن ءىس جۇزىندە قولدانا بىلۋگە جانە وزدەرىنىڭ كوشباسشىلىق قاسيەتىن شىڭداۋعا جول اشۋدا. مەكتەپتىڭ اعىلشىن ءتىلى مۇعالىمى ا.سەرعاليەۆا جانە ا.قۋانىشقاليەۆانىڭ جەتەكشىلىگىمەن اعا ليگاعا اتتانعان زياتكەرلەر Team Challenge, Debate Champions, Team Bowl, Writing Champions, Challengesubjects, Team Debate, Team Writing, Championscholars ساناتتارى بويىنشا التىن جانە كۇمىس مەدالدارعا يە بولدى. ونىڭ ىشىندە 9-سىنىپ وقۋشىسى دانا قوجانياز بارلىق سانات بويىنشا ەڭ جوعارى ۇپاي الىپ, School Top Scholars نوميناتسياسىمەن ماراپاتتالدى. ناتيجەسىندە وقۋشىلاردىڭ وزىق ويلارى مەن قارىم-قابىلەتى جوعارى باعالانىپ, حالىقارالىق كەزەڭگە جولداما الدى.
قاتىسۋشىلار كوماندالىق دەبات, بىرلەسكەن شىعارماشىلىق جۇمىس, كوماندالىق سۇراق-جاۋاپ جانە تەست بويىنشا سىنعا ءتۇستى. شەت ەلدەرگە شاقىرتۋ الىپ شابىتتانعان شاكىرتتەر الداعى ۋاقىتتا مەكتەپ بەدەلىن الەمدىك دەڭگەيدە بيىكتەتكىسى كەلەدى.
باتىس قازاقستان وبلىسى
