ءوندىرىس ورنىن ارالاپ كورگەن قاسىم-جومارت توقاەۆقا فابريكا جۇمىسىنىڭ العاشقى ناتيجەسى تۋرالى باياندالدى. كاسىپورىن جىلىنا 5 مىڭ توننا قاعاز ءونىمىن وندىرە الادى. قۇيىلعان ينۆەستيتسيا كولەمى – 2,5 ميلليارد تەڭگە. «قاراپايىم زاتتار ەكونوميكاسى» باعدارلاماسى اياسىندا جوبانى سۋبسيديالاۋعا قارجى بولىنگەن.
قاعاز ونىمدەرى فابريكاسى – كوپسالالى «رادۋگا» كومپانياسىنا قاراستى كاسىپورىنداردىڭ ءبىرى. جالپى اۋماعى 37,7 گەكتار بولاتىن يندۋستريالىق كەشەندە بۇعان دەيىن حالىق تۇتىناتىن تاۋارلار مەن ازىق-ت ۇلىك شىعاراتىن بىرنەشە كاسىپورىن اشىلعان. قازىرگى كەزدە ءوڭىر حالقىن جىل ون ەكى اي كوكونىس ونىمدەرىمەن قامتاماسىز ەتۋ ءۇشىن جىلىجاي قۇرىلىسى ءجۇرىپ جاتىر.
پرەزيدەنت ەلىمىزدە «قاراپايىم زاتتار ەكونوميكاسىن» دامىتۋعا جانە حالىق تۇتىناتىن تاۋار تۇرلەرىن كەڭەيتۋگە ەرەكشە ءمان بەرىلەتىنىن اتاپ ءوتىپ, كاسىپورىن باسشىلىعىنا ساتتىلىك تىلەدى.
