ول 63 جىل بويى ۋەلس حانزاداسى بولدى. ال قازىر – 74 جاستا. ەڭ ۇزاق تاقتا وتىرعان پاتشايىم ءىى ەليزاۆەتانىڭ ۇلكەن ۇلى چارلز فيليپپ ارتۋر دجوردج ماۋنتباتتەن-ۆيندزور پاتشا كارل III اتىمەن 6 مامىر كۇنى تاققا وتىردى.
كارل III 1948 جىلدىڭ 14 قاراشاسىندا دۇنيەگە كەلگەن كەزدە ونىڭ اناسى ءالى پاتشايىم بولعان جوق ەدى. ءتورت جىل وتكەن سوڭ اتاسى پاتشا گەورگ VI قايتىس بولعاننان كەيىن عانا ەليزاۆەتا تاققا وتىردى. كەلەسى جىلى جاس چارلز ۆەستمينستەر ابباتتىعىندا اناسىنىڭ ءتاج كيۋ راسىمىنە قاتىسقان ەدى.
پاتشا بولعانعا دەيىن چارلز ەلدە بىرقاتار قىزمەت اتقارعان. اناسىنىڭ اتىنان رەسمي اشىلۋلارعا قاتىسىپ, شەتەلدىك مارتەبەلى مەيماندارمەن دە كەزدەستى. 2013 جىلى العاش رەت دوستاستىق ەلدەرى ۇكىمەت باسشىلارىنىڭ وتىرىسىنا قاتىستى. 2022 جىلى ەليزاۆەتا II دەنساۋلىعىنا قاتىستى شاعىمدانا باستاعان. وسىلايشا چارلز پارلامەنتتىڭ ءداستۇرلى اشىلۋ سالتاناتىندا العاش رەت پاتشايىمنىڭ ورنىنا ءسوز سويلەدى.
ەرلان كيىكباي,
ل.ن.گۋميلەۆ اتىنداعى ەۇۋ ستۋدەنتى
