سەنات كەڭەسى – ۇلىتاۋدا

كەزدەسۋ سالتاناتتى ءىس-شارامەن باستالدى. سەنات كەڭەسىنىڭ مۇشەسى، قازاقستاننىڭ حالىق قاھارمانى مۇحتار التىنباەۆقا ۇلىتاۋ وب­لى­سىنىڭ قۇرمەتتى ازاماتى اتا­عى بەرىلگەن ەدى. وسىعان وراي ار­نايى لەنتا، كۋالىك پەن توسبەل­گى­نى تاپسىرعان وبلىس اكىمى بەرىك ابدى­عالي­ ۇلى مەن وبلىستىق ءماسلي­حات­تىڭ حاتشىسى باۋىرجان شىڭ­عى­سوۆ قازاقى داستۇرمەن مۇحتار قا­پاش­ ۇلىنىڭ يىعىنا شاپان جاپتى.

كەزدەسۋدە ءسوز العان ب.ءايتىموۆا، ق.ايتاحانوۆ، ق.سۇلتانوۆ جانە مادەنيەت جانە سپورت مينيسترلىگى مادەنيەت كوميتەتىنىڭ تاريحي مادەني مۇرا باسقارماسىنىڭ باسشىسى ج.سەيداليەۆا، ۇلىتاۋ وبلىستىق ارداگەرلەر كەڭەسىنىڭ توراعاسى س.قوجامسەيىتوۆ، قازاقستان جازۋشىلار وداعى وبلىستىق فيليالىنىڭ توراعاسى ب.مىرزابەكوۆ ءوڭىردى دامىتۋ تۋرالى ويلارىن ورتاعا الدى.

مۇنان كەيىن كەڭەس مۇشەلەرى تاريحي ورىنداردى ارالادى، م.تورەگەلدين اتىنداعى جەزدى تاۋ-كەن جانە بالقىتۋ ءىسى تاري­حى مۋزەيىندە بولدى، اننەكس كەنىشىندە شاحتاعا ءتۇسىپ، كەنشىلەرمەن پىكىرلەستى. سونداي-اق س.قوجامقۇلوۆ اتىنداعى تەاتر­دا ع.جايلىبايدىڭ «قارا ورامال» پوەما-رەكۆيەمى جەلىسىندە قويىلعان سپەكتالدى تاماشالادى.

– ءبىز وسىندا جيناقتالعان ۇسىنىس-پىكىرلەردى سەناتقا جەتكىزەمىز، ولاردىڭ وڭ شەشىمىن تابۋىنا اتسالىساتىن بولامىز، – دەدى ءوز سوزىندە سەنات كەڭەسىنىڭ مۇشەسى بىرعانىم ءايتىموۆا.

ۇلىتاۋ وبلىسى