قىرعىز اعايىندار

جاڭا كونستيتۋتسياسىن قابىلداعالى جاتىر كەشە قىرعىز رەسپۋبليكا­سى­نىڭ قازاقستان رەسپۋبليكاسىنداعى ءتو­تەنشە جانە وكىلەتتى ەلشىسى جانىش رۇستەنبەكوۆ 2010 جىلعى 27 ماۋ­سىمدا قىرعىز رەسپۋبليكاسىنىڭ كونستيتۋتسياسىن قابىلداۋ ماسە­لە­لەرى بويىنشا رەفەرەندۋم وتكىزۋ جاي­ىندا ءباسپاسوز ءماسليحاتىن وتكىزدى. ەلدىڭ جاڭا كونس­تي­تۋ­تسيا­سىن قابىلداۋ جاعدايدى تۇپكىلىكتى تۇ­راقتاندىرىپ, ەلدىڭ ەكو­نو­مي­كا­لىق جاعىنان دامۋىن جەدەلدەتۋ ءۇشىن قاجەت. وسىعان بايلانىستى ۋا­قىتشا ۇكىمەت قىرعىزستان پرە­زي­دەنتىن جانە جوگوركۋ كەنەش دە­پۋتاتتارىن سايلاۋ ءۇشىن 2010 جىل­عى 19 مامىردا “وتپەلى كەزەڭدەگى قىرعىز رەسپۋبليكاسىنىڭ پرەزي­دەنتى تۋرالى” دەكرەت قابىلدادى. وسىعان سايكەس ۋاقىتشا ۇكىمەتتىڭ ءتورايىمى روزا وتۋنباەۆاعا قىرعىزستان پرەزيدەنتى وكىلەتتىگىن 2011 جىلعى 31 جەلتوقسانعا دەيىن ات­قارۋ مىندەتى جۇكتەلدى. بۇدان بولەك روزا وتۋنباەۆا قىرعىزستان ۇكىمەتى قۇرىلعانعا دەيىن پرەمەر-مينيستر قىزمەتىن دە اتقاراتىن بولدى. ال 2010 جىلعى 27 ماۋ­سىمعا بەلگىلەنگەن رەفەرەندۋمدا داۋىس بەرۋشىلەر ءبىر سۇراققا – قىرعىز رەسپۋبليكاسى كونستيتۋ­تسيا­سىنىڭ جوباسى جانە قىرعىز رەسپۋبليكاسى كونستيتۋتسياسىنىڭ قىزمەتىن ەنگىزۋ تۋرالى سۇراققا جاۋاپ بەرەدى. جانىش رۇستەنبەكوۆتىڭ اي­تۋىن­شا, كونستيتۋتسيا جوباسى ال­عاش رەت بارلىق ازاماتتاردىڭ ۇسى­نىستارىن ەسكەرە وتىرىپ دايىن­دال­عان جانە تالقىلانعان. ءباسپاسوز ءماسليحاتىندا قىر­عىز­ستان ەلشىسى كونستيتۋتسيا جوبا­سىندا پرەزيدەنتتىڭ وكىلەتتىگى اي­تارلىقتاي قىسقارعاندىعىنا دا توقتالدى. ەلدىڭ جاڭا كونس­تيتۋتسياسىندا پرەزيدەنت قارجى جانە ەكونوميكانى رەتتەۋگە قاتى­سا المايدى, سونداي-اق ۇكىمەتتىڭ كادر­لىق ساياساتىنا دا ارالاس­پايدى. دەگەنمەن, ەلدىڭ جاڭا كونس­تي­تۋتسياسىندا جوگوركۋ كەنەشكە جانە ۇكىمەتكە بىرقاتار وكىلەت­تىك­تەر بەرىلگەن. مىسالى, پارلامەنت پرەمەر-مينيستر مەن ۇكىمەت ءمۇ­شەلەرىن قۇرادى جانە ۇكىمەت پار­لامەنتكە ەسەپ بەرەدى. ەگەر جوگور­كۋ كەنەش ۇكىمەتكە سەنىمسىزدىك كور­سەتسە, پرەزيدەنت ۇكىمەتتى وتس­تاۆكاعا جىبەرۋگە نەمەسە جوگوركۋ كەنەشتىڭ مەرزىمىنەن بۇرىن سايلاۋىن جاريالاۋعا قۇقىعى بار. قىرعىزستان ەلشىسى, سونداي-اق ساي­لاۋدا جەڭىپ شىققان پارتيانىڭ ۇكىمەتتى قۇرۋىنا بايلانىستى دا پىكىر ءبىلدىردى. ونىڭ حاباردار ەتۋىنشە, پارلامەنت دەپۋتاتتارى پار­تيالىق ءتىزىم بويىنشا ساي­لانادى. ەگەر قانداي دا ءبىر پارتيا سايلاۋدا 90 پايىز داۋىس العانمەن, ول پارتيا پارلامەنتتەگى 120 مان­داتتىڭ 65-ءىن عانا الادى. قالعان 55 دەپۋتاتتىق ورىن بەلگىلەنگەن كەدەرگىلەردى ەڭسەرگەن پارتيالارعا تيەسىلى. جاڭا كونستيتۋتسيانىڭ جوبا­سىن­دا قىرعىز ءتىلى مەملە­كەت­تىك, ال ورىس ءتىلى رەسمي ءتىل مارتە­بەسىن ساقتايتىندىعى ناقتىلانعان. ءماسليحات بارىسىندا قىرعىزستان ەلشىسىنە وزبەكستان مەن قىر­عىزستان شەكارالارىنداعى جاعداي­عا قاتىستى سۇراق قويىلعان ەدى. ەلشىنىڭ حاباردار ەتۋىنشە, ونداعى جاعداي تۇراقتاندى, ەكى ەلدىڭ شە­كا­رالارى ءتيىستى كەلىسىمگە سايكەس قايتا اشىلدى. ءاليسۇلتان قۇلانباي.