شەتەلگە شىعاسىز با نەمەسە تۋرلاردىڭ قۇنى قالاي وزگەردى؟

Freedom Life بازاسىنىڭ مالىمەت­تەرىنە سايكەس, كوكتەم ماۋسىمىندا دە­مالىسقا بارعان وتانداستار تۋريستىك ساقتاندىرۋدى تۇركيا, بىرىككەن اراب امىرلىگى, مىسىر جانە تايلاند ەلدەرىنە جيىرەك رەسىمدەيدى. مالديۆ ارالى, يسپانيا, دومينيكان رەسپۋبليكاسى نەمەسە ۆەتنامعا باراتىن تۋريستەر ساقتاندىرۋدى سيرەك الادى ەكەن. وسك ماماندارىنىڭ بولجاۋلارى بويىنشا, 2023 جىلدىڭ جازىندا, ساقتانۋشىلار سانى كەلەسى باعىتتار بويىنشا وسەتىن بولادى: گرۋزيا, ازەربايجان, چەرنوگوريا, يتاليا, گرەتسيا.

اتالعان باعىتتار بويىنشا, بۇ­رىن برون جاسالعان جانە «ىستىق» تۋرلاردىڭ تاڭداۋى مول. زەرتتەۋ بارىسىندا, ءبىزدىڭ وتانداستارىمىز ءۇشىن دەمالۋ قۇنى قاي ەلدەردە قىمباتتاعانىن, ال قاي ەلدەردە ەلەۋلى تومەندەگەنىن ساقتاندىرۋشىلار انىقتاپ كورگەن ەدى. بىراق مىڭ قۇبىلعان مىنا دۇنيەدە بۇگىن بار باعا, ەرتەڭ جوق. سۇرانىس بار جەردە باعانىڭ بىرقالىپتى تۇرمايتىندىعىن دا ەسكەرە كەتكەندەرىڭىز ءجون بولار.

جازعى دەمالىستىڭ بيىلعى باعاسى

باە (دۋباي, شاردجا). تۋر قۇ­نىنا تاماقتانۋ كىرمەيدى نەمەسە 3-4 جۇل­دىز­دى وتەلدە تەك تاڭعى اسىمەن 7 كۇن تۇ­راقتانۋ, ورتاشا العاندا, ءبىر ادامعا 165 مىڭ تەڭگەنى قۇرايدى. تۋر­دىڭ ارزاندىعىنا قاراماستان, جالپى العاندا, بۇل جەردە دەمالۋ بيۋدجەتتى ەمەس, سەبەبى جەرگىلىكتى كافە مەن مەيرامحانالاردا تاماقتانۋ, تاكسي جالداۋ جانە ويىن-ساۋىق شىعىندارى تۋرمەن سالىستىرعاندا ەكى ەسە قىمباتقا ءتۇسۋى مۇمكىن.

تۇركيا (كەمەر, الانيا). وسى ماۋسىمدا وتاندىق تۋريستەر ءۇشىن بۇل – ەڭ ارزان باعىت. بەس جۇلدىزدى وتەلدە «ۋلترا ءبارى قامتىلعان» بەلگىسى بار اپتالىق دەمالىس ورتاشا العاندا, 270 مىڭ تەڭگەنى قۇراپ وتىر, ال 3-4 جۇلدىزدى وتەلدە – 168 مىڭ تەڭگە شاماسىندا.

ۆەتنام (نياچانگ). بۇل باعىتتىڭ باعالارى ءبىر جىل ىشىندە ەلەۋلى تومەندەدى. ەگەر 2022 جىلدىڭ كوكتەمىندە ۆەتنامعا بارۋ ءبىر ادامعا 700 مىڭ تەڭگە بولسا, قازىر 3-4 جۇلدىزدى وتەلدە «تەك تاڭعى اس» بەلگىسىمەن ءبىر اپتا تۇرۋ, ورتاشا العاندا, 200 مىڭ تەڭگەنى قۇراۋى مۇمكىن.

مىسىر (شارم-ەل-شەيح). 3-4 جۇل­دىزدى وتەلدە ءبىر اپتا تۇرۋدىڭ ورتاشا باعاسى – ءبىر ادامعا 207 مىڭ تەڭگە. تۋرلاردىڭ كوبىسىندە تاڭعى اس جانە كەشكى اس قاراستىرىلعان.

ازەربايجان (باكۋ). جالپى العاندا, بۇل باعىتتاعى تۋرلاردىڭ قۇنى وزگەرگەن جوق. وسى جازدا, 3-4 جۇلدىزدى وتەلدە 7 كۇنگە جايعاسۋ ورتاشا باعامەن ءبىر ادامعا 258 مىڭ تەڭگەنى قۇرايدى. بارلىق تۋريستىك ۇسىنىسقا تاڭعى اس كىرگىزىلگەن.

گرۋزيا (كوبۋلەتي, باتۋمي). 3 جۇل­دىزدى وتەلدە 7 كۇن تۇرۋدىڭ ورتاشا باعا­سى – ءبىر ادامعا, 278 مىڭ تەڭگە. نەگى­زىندە, تۋرلار تاماقتانۋسىز ۇسىنى­لادى. بىراق تاڭعى اس قاراستىرىلعان بىرنەشە قوناقۇيلەر دە بار.

تايلاند (پحۋكەت). ءتورت جۇلدىزدى تاماشا وتەلدە «تەك تاڭعى اس» بەلگىسىمەن اپتالىق تۋر, ورتاشا العاندا, ءبىر ادامعا 317 مىڭ تەڭگەنىڭ اينالاسىندا شىعىپ وتىر.

چەرنوگوريا (رافايلوۆيچي). «وزىنە-ءوزى قىزمەت ەتۋ» بەلگىسىمەن, 8 كۇندىك دەمالىسى 3-4 جۇلدىزدى وتەلدە ءبىر ادامعا 324 مىڭ تەڭگەنى قۇرايدى.

شري-لانكا ارالى. وسى جىلى, 3-4 جۇلدىزدى وتەلدە ءبىر اپتا دەمالۋدىڭ ورتاشا قۇنى ءبىر ادامعا 404 مىڭ تەڭگەنىڭ توڭىرەگىندە قۇبىلادى. كوپتەگەن تۋريستىك ۇسىنىسقا تاڭعى اس كىرمەگەن ەكەن.

مالديۆ ارالدارى. بىلتىر بۇل ارالدارعا بارۋ ەڭ قىمبات ساياحات دەپ سانالاتىن. جان باسىنا شاققانداعى ورتاشا باعاسى 1,1 ملن تەڭگە بولاتىن. الايدا 2023 جىلدىڭ كوكتەمىندە تومەن باعالى ۇسىنىستار تۇسكەن. 3-4 جۇلدىزدى وتەلدە «تەك تاڭعى اس» بەلگىسىمەن 6-8 كۇن دەمالۋدىڭ ورتاشا العانداعى قۇنى 524 مىڭ تەڭگەنىڭ اينالاسىندا شىعىپتى.

يندونەزيا (بالي ارالى). 3-4 جۇل­دىزدى وتەلدە سەگىز كۇن دەمالۋدىڭ ورتاشا قۇنى ءبىر ادامعا – 667 مىڭ تەڭگە. تاڭعى اس قاراستىرىلعان.

يتاليا (سيتسيليا, كالابريا). تۋ­ريست ءۇشىن ءبىر اپتا 3-4 جۇلدىزدى وتەلدە تۇراقتانۋدىڭ ورتاشا قۇنى ءبىر ادامعا -– 673 مىڭ تەڭگە. بۇل تۋرلاردىڭ كوپشىلىگىنە تەك تاڭعى اس قانا كىرگىزىلگەن.

يسپانيا (كوستا دە بارسەلونا). تاماق­تانۋسىز نەمەسە تەك تاڭعى اس كىر­گىزىلگەن 3-4 جۇلدىزدى جايلى وتەلدە 7 كۇن تۇراقتانۋدىڭ ورتاشا قۇنى ءار ادامعا شاققاندا 708 مىڭ تەڭگەنى قۇرايدى.

گرەتسيا (كريت, كورفۋ ارالدارى). تاماقتى قوسپاي تازا ءبىر اپتا 3-4 جۇلدىزدى قوناقۇيدە تۇراقتانۋدىڭ ورتاشا قۇنى ءبىر ادامعا – 868 مىڭ تەڭگە.

دومينيكان. بيىل جوس­پارلانعان ۇسىنىستار مەن «ىستىق» تۋرلار تىزىمىندە بۇل باعىت ەڭ قىمباتقا تۇسەتىندىگىمەن ەرەكشەلەنەدى. نەگىزىندە, سەگىز كۇندىك دەمالىس ۇسىنىلادى. تۋردىڭ ورتاشا قۇنى ء«بارى قوسىلعان» بەلگىسىمەن 4 جۇلدىزدى وتەلگە جايعاسۋ – ءبىر ادام ءۇشىن 1,6 ملن تەڭگە.

ازاماتتار تۋريستىك ساقتاندىرۋدى قانداي جيىلىكپەن پايدالانادى؟

Statista حالىقارالق ستاتيستيكالىق پلاتفورماسىنىڭ مالىمەتتەرىنە سايكەس, ادامداردىڭ شامامەن 20% ساياحاتتىق ساقتاندىرۋمەن, الەمدىك COVID-19 پان­دەمياسى الدىندا پايدالانعان. ەندى اتالعان مالىمەت 2022-2027 جىلدارى ارالىعىندا, شامامەن, 70-80%-عا دەيىن ۇلعايۋى مۇمكىن. سونداي-اق سايا­حاتتاردى ساقتاندىرۋدىڭ الەمدىك نارىعىنىڭ ءتۇسىمى 2030 جىلى 2021 جىلمەن سا­لىس­تىرعاندا سەگىز ەسە جوعارى بولۋى مۇمكىن ەكەنىن العا تارتادى جانە شا­مامەن 108,8 ملرد دوللاردى قۇرايدى دەپ جورامالدانۋدا.

پاندەميانىڭ العاشقى جىلىندا تۋريستەر سانى الەم بويىنشا 407 ملن-عا دەيىن قىسقاردى. 2022 جىلى حالىقارالىق ءتۋريزمنىڭ كەلۋشىلەر سانى, شامامەن, 963 ملن ادام بولعان, ولاردىڭ ىشىندە, شەتەلگە شىعاتىن وتانداستار سانى شامامەن – 0,7% دەڭگەيىندە.

ال شىنتۋايتىنا كەلگەندە, پاندەميا تۋريستىك ساقتاندىرۋدى دامىتۋدىڭ درايۆەرى بولىپ تانىلدى. تۋريستەردى مىندەتتى ساقتاندىرۋ (تمس) پوليستەرى بۇرىن ساتىلماعان ەلدەردە پايدا بولدى. سونىمەن قاتار قامتىلاتىن تاۋەكەلدەر تىزبەسىنە COVID-19 دياگنوزىمەن گوسپيتاليزاتسيالاۋ تارماعى قوسىلدى. 2020-2021 جىلدارى اتالعان تارماق تۋريستەردى ەرىكتى جانە مىندەتتى ساقتاندىرۋ ءپوليسىن رەسىمدەۋ كەزىندە الەم بويىنشا ەڭ ما­ڭىز­دى بولىپ تانىلدى.

نارىقتىڭ تۋريستىك ساقتاندىرۋ سالا­سىندا ءوسىم كورسەتۋىنە, سونى­مەن قاتار تسيفرلاندىرۋ دا اسەر ەتتى. ساياحاتشىلار سمارتفون جانە ين­تەرنەتتى تمس ءپوليسىن ونلاين ساتىپ الۋ ءۇشىن بەلسەندى قولداناتىن بولدى. ساق­تاندىرۋدى جەكە جانە تەز, ءومىردى ساقتاندىرۋ كومپانيالارىنىڭ جانە اۋە كومپانيالارىنىڭ سايتىندا رەسىمدەۋ مۇمكىندىگى پايدا بولدى.

بىزدە وتاندىق تۋريستەردى ەرىكتى جانە مىندەتتى مەديتسينالىق ساقتاندىرۋ قۇنى ناقتى بەلگىلەنبەگەن جانە كوپتەگەن فاكتورعا تاۋەلدى: تۋريست قاي ەلگە شىعادى, باعىتى قانداي, كولىك ءتۇرى, نەشە كۇنگە جانە ت.ب. تمس مىندەتتى ساقتاندىرۋدىڭ ورتاشا قۇنى – 15 ەۋرو (اعىمداعى باعام بويىنشا, 7 303 تەڭگە).

«Freedom Travel باعدارلاماسى بويىنشا ەرىكتى ساقتاندىرۋ قۇنى شامامەن 12 مىڭ تەڭگەنى قۇرايدى. الايدا شىعاتىن ەلى جانە مەكەندەۋ مەرزىمىنە قاراي شامامەن 130 مىڭ تەڭگە جانە ودان جوعارى بولۋى مۇمكىن. ساقتاندىرۋ شۇعىل مەديتسينالىق كومەك كورسەتۋ, شۇعىل ستوماتولوگيالىق قىزمەت كورسەتۋ, ساقتاندىرىلعان ءتۋريستى قاجەتىنە قاراي مەديتسينالىق تاسىمالداۋ, ءۇشىنشى تۇل­عالاردى ءوز ەلىنە نەمەسە باسقا مەد­قىز­مەتكە جەتكىزۋ شىعىندارىن وتەيدى. تولەم 10 جانە 100 مىڭ ەۋرونى قۇراۋى مۇمكىن», دەپ تۇسىندىرەدى Freedom Life ماماندارى.