قازاقستاندا بالالار اراسىنداعى ءسۋيتسيدتىڭ الدىن الۋ ماقساتىندا ولاردىڭ الەۋمەتتىك جەلىلەرگە تىركەلۋىن شەكتەۋ شارالارى قاراستىرىلىپ جاتىر.
مۇنداي شەكتەۋ شاراسى بالالاردى زورلىق-زومبىلىقتان قورعاۋ, ءسۋيتسيدتىڭ الدىن الۋ, ولاردىڭ قۇقىقتارى مەن ءال-اۋقاتىن قامتاماسىز ەتۋ جونىندەگى 2023-2025 جىلدارعا ارنالعان «بالا قورعاۋ» كەشەندى جوسپارىنان بەلگىلى بولدى.
جوبادا Instagram, Facebook, WhatsApp, ۆكونتاكتە پلاتفورمالارىندا كامەلەتكە تولماعانداردى زاڭدى وكىلدەردىڭ رۇقساتىنسىز تىركەۋدى شەكتەۋ جونىندە شارالار قابىلداۋ 2025 جىلعى 1 توقسانعا جوسپارلانعانى كورسەتىلگەن. بۇل باستاماعا تسيفرلىق دامۋ, يننوۆاتسيالار جانە اەروعارىش ونەركاسىبى, اقپارات جانە قوعامدىق دامۋ, وقۋ-اعارتۋ مينيسترلىكتەرى جاۋاپتى بولادى.
قۇجات جوباسى «اشىق نقا» پورتالىندا 6 ماۋسىمعا دەيىن جاريا تالقىلاۋدا بولادى.
