1995 جىلى تۋعان اۋستراليا ازاماتى 21 مامىر كۇنى ۇلكەن الماتى شاتقالىنا قاراي تاۋعا شىققان. پوليتسيا دەپارتامەنتىنە سول ەر اداممەن ءبىر جاتاقحانادا تۇرعان رەسەي ازاماتى جۇگىنگەن. جوعالعان ادامدى سوڭعى رەت جۇمىستاعى ارىپتەسى كورگەن. ونىڭ ايتۋىنشا, ولار 20 مامىر كۇنى تۋريست بولىپ كەلگەن. 22 مامىردا تاڭعى ساعات 7-دە تۋريستەر قايتىپ ورالۋى كەرەك ەدى, الايدا دوسى قالا اۋەجايىنا جالعىز كەلگەن.
ءتۋريستى ىزدەۋگە 6 ادام مەن 1 كينولوگيالىق بريگادادان تۇراتىن رەسپۋبليكالىق جەدەل-قۇتقارۋ جاساعىنىڭ قۇتقارۋشىلارىنىڭ جەدەل توبى جىبەرىلىپ, ساعات 23:40-تا ىزدەۋ جۇمىستارى باستالدى. ساعات 02:40-تا قۇتقارۋشىلار مەن پوليتسيا دەپارتامەنتىنىڭ قىزمەتكەرلەرى عارىش ستانتسياسىنا كوتەرىلىپ, بەتكەيلەردى تەكسەردى.
تۇندە ۇلكەن الماتى كولىندە اۋا رايى بۇزىلىپ, جاڭبىر, قار جاۋىپ, قاتتى جەل سوققان. ساعات 15:48-دە توتەنشە جاعدايلار مينيسترلىگىنە قاراستى جەدەل-قۇتقارۋ جاساعىنىڭ باستىعى ارىستانباەۆ باۋىرجان سپۋتنيكتىك بايلانىس ارقىلى اقپارات بەردى, قۇتقارۋشىلار الماتى اكىمدىگىنىڭ اۆاريالىق-قۇتقارۋ جۇمىستارى قىزمەتىنىڭ قۇتقارۋشىلارىمەن بىرلەسە وتىرىپ, ايۋساي شاتقالىنداعى العاشقى سارقىرامادان ءمايىتتى تاپتى.
وسى تۇستا توتەنشە جاعدايلار مينيسترلىگىنىڭ قۇتقارۋشىلارى تاۋداعى قاۋىپسىزدىك ەرەجەلەرىن ەسكە سالدى.
«تاۋعا جالعىز شىقپاڭىز, تۋىستارىڭىز بەن دوستارىڭىزعا قايتۋدىڭ بولجالدى ۋاقىتى تۋرالى الدىن الا ەسكەرتىڭىز. جولعا شىقپاس بۇرىن تاۋلارداعى اۋا-رايىن مۇقيات قاراڭىز. سومكەلەرىڭىزگە مىندەتتى تۇردە فونار, سىرىڭكە, قۋاتتاعىش, GPS-ناۆيگاتور, قوسىمشا كيىم, جىلى ش ۇلىق الىڭىز», دەدى قۇتقارۋشىلار.
