بۇل – دۋلاتي ۋنيۆەرسيتەتى, «قازفوسفات» جشس جانە د.ي.مەندەلەەۆ اتىنداعى رەسەي حيميا-تەحنولوگيالىق ۋنيۆەرسيتەتىنىڭ بىرلەسكەن جوباسى. حيميا ونەركاسىبى ءۇشىن بىلىكتى كادرلاردى دايارلاۋدى كوزدەيتىن جەلىلىك كامپۋس «قوس ديپلومدى» ءبىلىم بەرۋ باعدارلاماسى اياسىندا جۇزەگە اسىرىلادى.
ەرەكشە فورماتتا وتكەن جيىندا م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ رەكتورى مۇحتار بايجۇمانوۆ جەلىلىك كامپۋستىڭ باستى باسىمدىقتارىن ءتۇسىندىرىپ ءوتتى.
«بۇل جوبا جاستارعا قانداي مۇمكىندىكتەر بەرەدى؟ تالاپكەر ەكى جىل دۋلاتي ۋنيۆەرسيتەتىندە حيميا جانە حيميا ءوندىرىسى سالاسىنداعى بىلىكتى پروفەسسور-وقىتۋشىلاردان ءدارىس الادى. 3-كۋرستا مەندەلەەۆ ۋنيۆەرسيتەتىندە وقۋىن جالعاستىرىپ, ءبىلىمىن شىڭدايدى. سوڭعى 4-ءشى جىلى قازفوسفات زاۆودىنىڭ بازاسىندا وقۋ مەن تاجىريبەنى ۇشتاستىرىپ دايىندىقتان وتەدى. وسىنداي ۇشجاقتى دايىندىقتان وتكەن ماماندار ءۇشىن جۇمىس ورىندارى دايىن», دەدى مۇحتار قازبەك ۇلى.
2023 جىلى جەلىلىك كامپۋس اياسىندا «بەيورگانيكالىق زاتتار تەحنولوگياسى» اتتى العاشقى قوس ديپلومدى ءبىلىم بەرۋ باعدارلاماسى ىسكە قوسىلادى, نەگىزگى باعىتى — تىڭايتقىشتار ءوندىرۋ. 2023 جىلدىڭ جازىندا باعدارلاماعا العاشقى قابىلداۋ وتەدى, سونىمەن قاتار قازاقستاننىڭ باسقا ۋنيۆەرسيتەتتەرىنەن باعدارلامانىڭ ءبىرىنشى كۋرسىنا دا, ەكىنشى جانە ءۇشىنشى كۋرسىنا دا تۇسۋگە بولادى: ءبىرىنشى كۋرس ستۋدەنتتەرى ءۇشىن 175 ورىن, ەكىنشى جانە ءۇشىنشى كۋرستارعا 150 ورىن قاراستىرىلعان. تۇلەكتەر م.ح. دۋلاتي اتىنداعى تاراز وڭىرلىك ۋنيۆەرسيتەتى مەن مەندەلەەۆ ۋنيۆەرسيتەتىنىڭ قوس ديپلومىن الىپ شىعادى.
«حيميا ونەركاسىبى سالاسىندا جەلىلىك ءبىلىم بەرۋ كامپۋسىن ىسكە قوسۋ – ەڭبەك نارىعىنىڭ سۇرانىسىنا جاۋاپ بەرەتىن ماڭىزدى قادام. بۇل تمد ەلدەرىنىڭ ءبىلىم بەرۋ كەڭىستىگىن دامىتۋعا مۇمكىندىك بەرەدى. باعدارلاما بويىنشا ءبىلىم الاتىن ستۋدەنتتەر اۆتوماتتاندىرىلعان, زاماناۋي جابدىقتارمەن تابىستى جۇمىس ىستەۋدى ۇيرەنەدى. ءبىز جاستاردى جاڭا وندىرىستىك جەلىلەردى جوبالاۋعا مۇمكىندىك بەرەتىن ءبىلىم مەن پانارالىق قۇزىرەتىلىكتەرگە باعىتتالعان جۇيەمەن وقىتامىز. رحتۋ – سالاعا باعىتتالعان جانە ونىڭ كادرلىق قاجەتتىلىكتەردى ۇيلەستىرىپ وتىراتىن عىلىم مەن جوعارى مەكتەپتەردىڭ بىرەگەيى. جەلىلىك باعدارلامانىڭ گرانتىنا يە بولعان جاس تالاپكەرلەر تمد ەلدەرىنىڭ, سونىڭ ىشىندە قازاقستان رەسپۋبليكاسىنداعى حيمپرومنىڭ ءىرى زاۋىتتارىن ىسكە قوسۋعا قاتىسۋشى بولادى», دەپ اتاپ ءوتتى د. ي. مەندەلەەۆ اتىنداعى رحتۋ رەكتورىنىڭ مىندەتىن اتقارۋشى يليا ۆوروتىنتسەۆ.
جوبا حەدلاينەرى, TikTok ارقىلى تانىلعان حيميك مۇعالىم ۇلان ۇسەنوۆ بولاشاق حيميكتەرگە ماماندىقتىڭ قىزىقتى قىر-سىرىن تانىستىردى. تمد ەلدەرىندە تۇڭعىش رەت ىسكە اسىرىلاتىن جوعارى ءبىلىم بەرۋدىڭ جەلىلىك كامپۋسىنىڭ تانىستىرىلىمىنا 600-دەن اسا وقۋشىلار مەن ستۋدەنتتەر قاتىستى.
