ول «ماتەماتيكا» سەكتسياسى بويىنشا «L-ترومينو-پليتكالارى» جوباسىن ۇسىنىپ, 1 مىڭ دوللار كولەمىندە سىياقى ەنشىلەدى.
– ءبىر جىل بۇرىن وليمپيادادا L-ترومينو فيگۋراسىنىڭ كومەگىمەن پليتكالاردى جاناستىرۋ بويىنشا تاپسىرما ورىندادىم. وسى تاقىرىپقا قىزىعۋشىلىق تۋىنداپ, ونى جوبا رەتىندە جاساۋدى قولعا الدىم. ءالى دالەلدەنبەگەن تەورەمالار بار, سونى شەشۋ ارقىلى كەلەسى جىلى دا ISEF-كە قاتىسۋ جوسپاردا تۇر, – دەيدى جاس ماتەماتيك.
ەسكە سالا كەتەيىك, ساعىن – اتاقتى ماتەماتيك اسقار جۇمادىلداەۆتىڭ ۇلى.
سونىمەن قاتار بايقاۋعا كوكشەتاۋداعى زياتكەرلىك مەكتەپتىڭ وقۋشىسى اسىلحان قالي دە قاتىسىپ, «Aq Zhol» جوباسىن تانىستىردى. بۇل – جۇرگىزۋشىنىڭ ءحالى مەن مىنەز-قۇلقىن باقىلاۋعا مۇمكىندىك بەرەتىن بەينەتىركەگىش. ول جول-كولىك وقيعالارىنىنىڭ سانىن ازايتۋعا باعىتتالعان.
– قازاقستاننىڭ تۋىن الەمدىك ارەنادا كوتەرىپ, ەلىمىزدىڭ اتىنان ونەر كورسەتۋ – ءبىز ءۇشىن ۇلكەن مارتەبە. بولاشاقتا ودان دا جاقسى ناتيجە كورسەتۋگە بار كۇش-جىگەرىمىزدى سالامىز, – دەپ اسىلحان ءوز اسەرىمەن ءبولىستى.
International Science and Engineering Fair – 13 پەن 18 جاس ارالىعىنداعى جاسوسپىرىمدەرگە ارنالعان STEM جوبالاردىڭ دۇنيەجۇزىلىك بايقاۋى. حالىقارالىق ءىس-شارا جىل سايىن ۇيىمداستىرىلادى ءارى الەمنىڭ 100 ەلىنەن كەلگەن 2 مىڭ وقۋشىنىڭ اراسىنان ۇزدىكتەردى انىقتايدى.
