بۇنداي جەتىستىككە الەمنىڭ بۇرىنعى ءبىرىنشى راكەتكالارى - امەريكالىق مونيكا سەلەش 1991 جىلى جانە رەسەيلىك ماريا شاراپوۆا 2012 جىلى جەتكەن ەدى.
ە.رىباكينا بۇگىن ريم ماستەرس ءتۋرنيرىنىڭ فينالىندا الەمنىڭ 47-راكەتكاسى, ۋكراينالىق انگەلينا كالينينامەن وينايدى. ونى جەڭگەن جاعدايدا قازاقستاندىق تەننيسشى الەمدىك رەيتينگتە رەكوردتىق ناتيجەگە قول جەتكىزىپ, ءتورتىنشى ورىنعا كوتەرىلەدى.
فينالدىق ماتچ استانا ۋاقىتىمەن ساعات 23:00-دە باستالادى.
قارسىلاستار ءوزارا ءبىر رەت كەزدەسكەن. 2022 جىلى چارلستون WTA 500 جارىسىنىڭ ەكىنشى اينالىمىندا ا.كالينينا 6:4, 2:6, 6:4 ەسەبىمەن جەڭىسكە جەتتى.
ە.رىباكينا ءمالىم ەتكەندەي, قوس تەننيسشى ءبىر-بىرىمەن جاقسى قارىم-قاتىناستا.
