بەسىنشى ماتچتا قازاقستان سلوۆاكيا قۇراماسىمەن كەزدەستى. ەسەپتى قارسىلاس كوماندا ءبىرىنشى كەزەڭنىڭ سوڭىنا 5 مينۋت قالعاندا اشتى. ەكىنشى ويىننىڭ باسىندا ەسەپتى تەڭەستىرۋگە مۇمكىندىك تۋدى, رومان ستارچەنكو سلوۆاكتاردىڭ قاقپاسىنا گول سوقتى.
قارسىلاس كوماندا حوككەيشىلەرى ايىپ الاڭىنا شىعا باستادى, وسى تۇستى قازاقستاندىقتار ۇتىمدى پايدالانا ءبىلدى: الدىمەن ۆالەري ورەحوۆ سلوۆاكيانىڭ بەسىنشى ءنومىرلى ويىنشىسى ايدىننان كەتكەننەن كەيىن 5 سەكۋندتان سوڭ ءوز كومانداسىن العا شىعاردى, سودان كەيىن ەۆگەني رىمارەۆ ۇپايدى ەسەلەي ءتۇستى. بىراق ءۇشىنشى تايمدا سلوۆاكتار ءبىزدىڭ قاقپاعا ەكى شايبا سوعىپ, ەسەپتى تەڭەستىرە الدى.
قازاقستان قۇراماسىنان رومان ستارچەنكو (22-مينۋت), ۆالەري ورەحوۆ (25-ءشى), ەۆگەني رىمارەۆ (26-شى), ەرەكشە كوزگە تۇسە ءبىلدى, بۋلليتتەر سەرياسىندا دا قازاقستاندىقتار ءتورت رەت شايبا سوقتى. سلوۆاكتاردان پاتريك كوح (15-ءشى), ريچارد پاۆليك (49-شى) جانە پاۆول رەگەندا (57-ءشى) ناتيجەلى سوققىلارىمەن ەرەكشەلەندى.
بۇعان دەيىن حابارلانعانداي, قازاقستاندىق حوككەيشىلەر بۋلليت بويىنشا نورۆەگيا قۇراماسىن 4:3 ەسەبىمەن جەڭىپ, چەحيادان (1:5), شۆەيتساريادان (0:5) جانە كانادادان (1:5) جەڭىلىپ قالعان ەدى.
سونىمەن بەس ماتچ وتكىزگەن قازاقستان قۇراماسىندا ءتورت ۇپاي بار, ال كوماندامىز ۆ توبىنىڭ تۋرنير كەستەسىندە التىنشى ورىندا تۇر.
عالىم مامبەتاليەۆتىڭ شاكىرتتەرى كەلەسى ماتچتى 20 مامىردا لاتۆيا قۇراماسىنا قارسى وتكىزەدى. كەزدەسۋ استانا ۋاقىتى بويىنشا ساعات 23:20-دا باستالادى, ونى «Qazsport» تەلەارناسىنان كورۋگە بولادى.
