اتاۋلى كۇنگە وراي جۋرناليستەرمەن جۇزدەسكەن وبلىس اكىمى اپپاراتىنىڭ باسشىسى شاحماردان بايمانوۆ وڭىردەگى وتباسى ينستيتۋتىن نىعايتۋ, قۇندىلىعىن دارىپتەۋ قادامدارى جايلى ايتىپ ءوتتى.
«وسى جىلى قالادا كاسىپكەرلەر كومەگىمەن سالىنىپ جاتقان 1,5 ملرد تەڭگەلىك «اناعا تاعزىم» ورتالىعى اشىلادى. شاڭىراق بىرلىگىن بيىك ۇستاپ, وتباسىلىق ءتالىم-تاربيەنىڭ ماڭىزىن ناسيحاتتايتىن ورتالىقتا ءتۇرلى كلۋبتار جۇمىس جاساماق. وسى جىلى وبلىس اكىمىنىڭ باستاماسىمەن ارنايى قابىلدانعان «سىر جاستارى» باعدارلاماسى اياسىندا العاش رەت 100-دەن استام جاس وتباسىنا جەڭىلدەتىلگەن يپوتەكالىق نەسيە بەرۋ ءۇشىن جەرگىلىكتى بيۋدجەتتەن 1,2 ملرد, «وتباسى بانكى» ارقىلى 500 ملن, بارلىعى 1,7 ملرد تەڭگە قاراجات ءبولىندى», دەدى شاحماردان اسقار ۇلى.
اتاۋلى كۇنگە ارنالعان شارالاردىڭ ءبىرى وبلىستىق قوعامدىق دامۋ باسقارماسىنىڭ ۇيىمداستىرۋىمەن جاستار رەسۋرستىق ورتالىعىندا وتكەن «زياتكەر وتباسى» وتباسىلىق ينتەللەكتۋالدى سايىسى ءوتتى. سايىستا وبلىستىق قوعامدىق دامۋ باسقارماسىنىڭ باسشىسى الماسبەك ەسماحانوۆ قاتىسۋشىلاردى مەرەكەمەن قۇتتىقتاپ, لەبىزىن ءبىلدىردى.
سايىستى ايماقتاعى كىتاپقۇمار جاستاردىڭ باسىن قوسقان كلۋب جەتەكشىسى تالعات مەڭدىباەۆ جۇرگىزىپ, بەس كەزەڭ بويىنشا جەتى وتباسى ءبىلىم-بىلىكتەرىن كورسەتتى.
زياتكەرلەر بايقاۋىندا ۇزدىك ويىن ورنەگىن كورسەتكەن بايۇلوۆتار وتباسى قازىلار شەشىمىمەن ءبىرىنشى ورىنعا كوتەرىلدى. ەكىنشى ورىن وسپانوۆتارعا بۇيىرسا, ءۇشىنشى ورىندى بايجىگىتوۆتەر شاڭىراعى يەلەندى.
وزگە قاتىسۋشىلار «كوڭىلدى وتباسى», «شىعارماشىل وتباسى», «كرەاتيۆتى وتباسى» جانە «دارىندى وتباسى» اتالىمدارىن يەلەنىپ, ولارعا ديپلوم مەن باعالى سىيلىقتار تابىستالدى.
قىزىلوردا
