الماس سۇلتان ۇلى 1977 جىلى تۋعان, ءبىلىمى جوعارى.
2000 جىلى قازاق مەملەكەتتىك اگرارلىق ۋنيۆەرسيتەتىن «اگروونەركاسىپ كەشەنىندەگى اقپاراتتاۋ جۇيەسى» ماماندىعى بويىنشا, 2004 جىلى الماتى تەحنولوگيالار جانە بيزنەس ۋنيۆەرسيتەتىن «ستاندارتتاۋ جانە سەرتيفيكاتتاۋ» ماماندىعى بويىنشا, 2010 جىلى ۇلىبريتانيادا نوتتينگەم ۋنيۆەرسيتەتىن «اقپاراتتىق تەحنولوگيالار مەنەدجمەنتى» ماماندىعى بويىنشا بىتىرگەن.
ەڭبەك جولىن 2000 جىلى «مەترولوگيا» رمك الماتى فيليالىنىڭ جەتەكشى مامانى بولىپ باستاعان.
ءار جىلدارى «قازاقستان مەترولوگيا ينستيتۋتى» رمك وڭتۇستىك قازاقستان فيليالىنىڭ جەتەكشى مامانى, «قازينمەتر» رمك وڭتۇستىك قازاقستان فيليالىنىڭ باس مامانى, ءبولىم, باسقارما باستىعى, «قازينمەتر» رمك ورتالىعىنىڭ باسشىسى, «ەكونوميكالىق زەرتتەۋ ينستيتۋتى» اق باس مەنەدجەرى - باس ساراپشىسى, قر پرەزيدەنتى اكىمشىلىگىنىڭ ساراپشىسى, كونسۋلتانتى, رەفەرەنتى, قر وڭىرلىك دامۋ مينيسترلىگىنىڭ دەپارتامەنت ديرەكتورى, پرەمەر-مينيستر ءبىرىنشى ورىنباسارىنىڭ كەڭەسشىسى, ۇلتتىق ەكونوميكا مينيسترلىگى ستاتيستيكا كوميتەتى توراعاسىنىڭ ورىنباسارى, پرەمەر-مينيستر كەڭسەسى باسشىسىنىڭ ورىنباسارى, ينۆەستيتسيالار جانە دامۋ مينيسترلىگىنىڭ كوميتەت توراعاسى, پرەزيدەنت اكىمشىلىگىنىڭ باسشىسى حاتشىلىعىنىڭ مەڭگەرۋشىسى, پاۆلودار وبلىسى اكىمىنىڭ ورىنباسارى, الماتى قالاسى ستراتەگيا جانە بيۋدجەت باسقارماسىنىڭ باسشىسى, الماتى قالاسى قارجى باسقارماسىنىڭ باسشىسى لاۋازىمدارىن اتقارعان.
2022 جىلدىڭ تامىز ايىنان الماتى وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى لاۋازىمىن اتقاردى.
