قازاقستان مەن سينگاپۋردىڭ اۆياتسيالىق بيلىك ورگاندارى كەلىسسوزدەر جۇرگىزدى. قازاقستاندىق دەلەگاتسيانى يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ توراعاسى تالعات لاستاەۆ, سينگاپۋر دەلەگاتسياسىن – ازاماتتىق اۆياتسيا باسقارماسىنىڭ باس ديرەكتورى حان كوك حۋان باسقاردى.
كەلىسسوزدەر بارىسىندا قازاقستاندىق تاراپ تىكەلەي رەيستەر اشۋعا قىزىعۋشىلىق ءبىلدىردى. سينگاپۋرلىق اۆياكومپانيالارعا قازاقستانداعى «اشىق اسپان» رەجيمى, ونىڭ ىشىندە اۋا بوستاندىعىنىڭ «بەسىنشى دارەجەسى» قۇقىعىن پايدالانۋ ۇسىنىلدى. سينگاپۋرلىق تاراپ «اشىق اسپان» رەجيمىن قۇپتاپ, بۇل ۇسىنىس سينگاپۋرلىق اۆياكومپانيالارمەن پىسىقتالاتىنىن حابارلادى.
