شارا مەملەكەتتىك قىزمەت ىستەرى اگەنتتىگىنىڭ باستاماسىمەن اقپارات جانە قوعامدىق دامۋ مينيسترلىگى قولداۋىمەن قر پرەزيدەنتى جانىنداعى مەملەكەتتىك باسقارۋ اكادەمياسىندا ءوتىپ جاتىر.
جوبانىڭ نەگىزگى ماقساتى – حالىقپەن ءتيىمدى كەرى بايلانىس ورناتاتىن, مەملەكەتتىك ساياسات پەن مەملەكەتتىك ورگاننىڭ جۇمىسىنا قاتىستى اقپاراتتى جەتكىزەتىن سالالىق سپيكەرلەر پۋلىن قۇرۋ.
ء«بىزدىڭ الدىمىزدا مەملەكەت باسشىسى قويعان مىندەتتەردى تولىققاندى جۇزەگە اسىرۋ جانە حالىققا شىنايى, ادال, اشىق قىزمەت كورسەتەتىن, بيۋروكراتياعا جول بەرمەيتىن سەرۆيستىك جانە ادامعا باعدارلانعان مەملەكەتتىك اپپارات قالىپتاستىرۋ ماقساتى تۇر. اشىقتىق پرينتسيپىنە نەگىزدەلگەن جاڭا باسقارۋ مادەنيەتىنە سايكەس, حالىققا اعىمداعى جانە جوسپارلانىپ وتىرعان وزگەرىستەردى, مەملەكەتتىك ورگاننىڭ جۇمىسىنا قاتىستى اقپاراتتى جان-جاقتى جەتكىزىپ, تۇسىندىرە الاتىن سالالىق سپيكەرلەردى دايىنداۋ ماڭىزدى», دەدى مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباەۆ.
اقپارات جانە قوعامدىق دامۋ ءمينيسترى مەملەكەتتىك ورگانداردىڭ ءباسپاسوز حاتشىسى داعدارىس جاعدايىندا اقپاراتتى الدىمەن قازاق تىلىندە جەتكىزۋدىڭ اسا ماڭىزدى ەكەنىن اتاپ ءوتتى.
«قازىرگىدەي اقپارات جىلدام تارايتىن زاماندا كوممۋنيكاتسيانىڭ ماڭىزى وتە زور. «حالىق ۇنىنە قۇلاق اساتىن مەملەكەت» تۇجىرىمداماسىن جۇرگىزۋ ءۇشىن كەز كەلگەن مەملەكەتتىك قۇرىلىم اشىق, شىنايى بولۋى كەرەك. مەكەمەگە قاتىستى كەز كەلگەن سۇراققا جاۋاپ بەرەتىن وكىلدى نەمەسە ءباسپاسوز حاتشىسىن دايارلاۋ ماڭىزدى. داعدارىس تۋىنداعان جاعدايدا اقپارات الدىمەن قازاق تىلىندە جازىلىپ, تاراتىلۋى كەرەك. بۇل جاعدايدا سالاعا جاۋاپتى مەملەكەتتىك قىزمەتكەر كوممۋنيكاتيۆتىك داعدىلارى دامىعان جانە قازاق ءتىلىن جەتىك مەڭگەرگەن مامان بولۋى ءتيىس. قازىرگى تاڭدا ءباسپاسوز حاتشىلارىنىڭ بىلىكتىلىگىن ارتتىرۋعا باعىتتالعان ادىستەمەلىك كىتاپتاردى دايىنداپ, شىعارىپ جاتىرمىز. اقپارات جانە قوعامدىق دامۋ مينيسترلىگى ءتيىستى قۇرىلىمدارعا, مەملەكەتتىك قىزمەتشىلەرگە قولداۋ كورسەتۋگە دايىن», دەدى دارحان قىدىرالى.
سەمينارعا ورتالىق جانە جەرگىلىكتى مەملەكەتتىك ورگانداردان كەلگەن 40-تان استام مامان قاتىسىپ جاتىر. شارانىڭ اشىلۋ سالتاناتىنا رەسپۋبليكالىق «قازاقستان» تەلەراديوكورپوراتسياسى اق توراعاسىنىڭ ورىنباسارى ەركىن مۇحامەدجانوۆ, قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىل قاتىستى. ءۇش كۇندىك وقىتۋ كۋرسىن قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ترەنەرلەرى «ABCommunications» ديرەكتورى باحىت امانجولقىزى, «TANBA» PR اگەنتتىگىنىڭ ديرەكتورى اقسۇلۋ ساڭعالي,«Qazaqstan» تەلەارناسىنىڭ جۇرگىزۋشىلەرى ارمانگۇل توقتامۇرات جانە البينا ءاشىم جۇرگىزەدى.
